35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
ДУШАНБЕ, 03.04.2025 /АМИТ «Ховар»/. Дар доираи татбиқи яке аз чор ҳадафи стратегии Ҳукумати Ҷумҳурии Тоҷикистон-таъмини истиқлолияти энергетикӣ ва амалӣ намудани тарҳи «Электрофикатсияи деҳот дар Тоҷикистон» дар ноҳияи дурдасти Мурғоб сохтмони хати барқи 10-04 Кв, насбкунии ҳисобкунакҳо ва насби ноқилҳои барқӣ дар дохили хонаҳо дар деҳаҳои Аличур, Чечекти, Башгумбез, Булункул ва Харгушӣ ба охир расид. Дар деҳаҳои Тохтамиш, Шаймоқ, Рангкул ва Қаракул сохтмони хати барқи 10-04 кв идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Мурғоб иттилоъ медиҳад.
Ҳамзамон бо мақсади дар сатҳи баланд таҷлил намудани ҷашни 35-солагии Истиқлоли давлатии Ҷумҳурии Тоҷикистон дар деҳаи Тохтамиши ҷамоати Қизилработ майдончаи варзишӣ барои бозии футбол ба нақша гирифта шудааст. Интизор меравад, ки ин иншооти ҷашнӣ дар Рӯзи Ваҳдати миллӣ мавриди истифода қарор дода шавад. Инчунин дар маркази ноҳия сохтмони пули пиёдагард дар мавзеи Неругоҳи барқи обии «Тоҷикистон» ба нақша гирифта шудааст, ки то ҷашни Ваҳдати миллӣ он ҳам ба истифода дода хоҳад шуд.
Ҳамзамон бо иқдоми Кумитаи ҳифзи муҳити зисти назди Ҳукумати ҷумҳурӣ дар 1 гектар майдони назди бинои Мактаб-интернати деҳаи Шаймоқ сабзу хуррам гардонида мешавад ва бо ин мақсад 400 метр симтӯр бо пояҳояш дастрас гардид.
Бояд гуфт, ки роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон ба ноҳияи Мурғоб сафар намуда, дар ҷамоатҳои деҳоти Бердибаев, Қизилработ, Рангкул, Аличур ва шаҳраки Мурғоби ноҳияи Мурғоб бо раванди корҳои ободонӣ ва созандагӣ ба муносибати ҷашни 35-солагии Истиқлоли давлатии Ҷумҳурии Тоҷикистон шинос шуд. Инчунин бо масъулини ҷамоатҳои шаҳраку деҳот суҳбат намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Корхонаи истеҳсоли ашёи рӯзгори ҶДММ «Ситора саноат»-ро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти Корхонаи истеҳсоли равғани ҶСП «Зуҳал» оғоз бахшиданд
