«Амонатбонк» барои баланд бардоштани маърифати молиявии аҳолӣ дар Дарвоз ҳамоиш доир намуд

ДУШАНБЕ, 30.04.2025 /АМИТ «Ховар»/. Бо ибтикори Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар доираи «Моҳи саводнокии молиявӣ» бо иштироки беш аз 200 хонанда ва муштариёни «Амонатбонк» дар филиали №68-и ноҳияи Дарвоз ҳамоиш баргузор гардид, иттилоъ медиҳад АМИТ «Ховар» бо истинод ба «Амонатбонк».

Дар ҳамоиш кормандони сохторҳои дастгоҳи марказии «Амонатбонк» дар мавзуъҳои соҳаи бонкдорӣ, алалхусус хизматрасониҳо тавассути замимабарномаи

«Амонат — мобайл» тавассути кортҳои пардохтӣ, нақши пул ва қоидаҳои идоракунии он, банақшагирии молиявӣ ва буҷети оила, нақши бонкҳо дар рушди иқтисодиёт ба аҳли нишаст маълумоти муфассал пешниҳод намуданд.

Баргузории чунин ҳамоишҳо дар минтақаҳои дурдасти мамлакат дар доираи «Моҳи саводнокии молиявӣ» ба баланд бардоштани маърифати молиявии аҳолӣ, азхуд кардани маълумоти зарурӣ оид ба хизматрасониҳои бонкӣ ва таблиғу ташвиқи дастовардҳои соҳаи бонкии мамлакат мусоидат менамояд.

«Моҳи саводнокии молиявӣ» ҳамасола дар моҳи апрел бо мақсади васеъ кардани имконияти муштариёни бонкҳо барои дар оянда ба роҳ мондани масъулиятнокии молиявӣ ва ҳифзи ҳуқуқи истеъмолкунандагони хизматрасониҳои молиявӣ бо ибтикори ширкати байналмилалии «Global Money Week» гузаронида мешавад.

АКС: «Амонатбонк»