Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд

ДУШАНБЕ, 28.04.2025 /АМИТ «Ховар»/. Президенти Қазоқистон Қосим Жомарт Токаев дар иҷлосияи навбатии XXXIV Ассамблеяи халқҳои Қазоқистон ба муассис ва Раиси Шурои директорони «Ғаюр Гурӯҳ»-и Тоҷикистон, соҳибкори муваффақи тоҷик, ҳамзамон Сафири дӯстии Ассамблеяи халқҳои Қазоқистон- Акбар  Асадулло барои саҳми муносиб дар таҳкими дӯстӣ, ваҳдати байналмилалӣ ва ҳамбастагии халқҳои ду кишвар  Медали ҷашнӣ ва Ифтихорномаи фахрӣ  супорид. Мукофотҳо дар асоси Фармони Президенти Ҷумҳурии Қазоқистон ба Акбар Асадулло  дар рӯзҳои таҷлили 30-солагии Анҷумани халқҳои Қазоқистон дар вазъияти тантанавӣ тақдим карда шуданд.

Ассамблеяи халқҳои Қазоқистон ниҳоди ягонаи назди Президенти Ҷумҳурии Қазоқистон мебошад, ки соли 1995 таъсис ёфтааст.

Ассамблеяи халқҳои Қазоқистон  на танҳо ниҳоди давлатӣ, балки мақоми конститутсионии тасдиқшудае мебошад, ки дар таъмини субот, сулҳи байни миллатҳо ва рушди демократия дар Қазоқистон нақши муҳим дорад. Хусусияти хоси ассамблея он аст, ки ягона ташкилот дар Қазоқистон буда, онро шахсан Президенти Ҷумҳурии Қазоқистон сарварӣ ва аҳамияти хосса ва нақши онро дар сиёсати давлатӣ таъкид менамояд.

АКС аз манбаъҳои боз