Дар Донишгоҳи давлатии Бохтар бахшида ба Ҳафтаи илм конференсияи илмӣ-назариявӣ доир гардид

Апрель 20, 2025 16:00

ДУШАНБЕ, 20.04.2025. /АМИТ «Ховар»/. 17 апрел бахшида ба Ҳафтаи илм дар Донишгоҳи давлатии Бохтар ба номи Носири Хусрав таҳти унвони «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» конференсияи илмӣ — назариявии устодону донишҷӯён баргузор гардид. Дар ин хусус ба АМИТ «Ховар» аз ин донишгоҳ хабар доданд.

Иброз гардид, ки дар солҳои Истиқлолияти давлатӣ барои пешрафти илму техника ва беҳтар намудани шароити иқтисодию иҷтимоии кормандони соҳаи маориф шароит фароҳам оварда шуд. Дар ин замина нақши омӯзгорон дар таълиму тарбияи насли наврас дар руҳияи худшиносиву худогоҳии миллӣ, ҳифзи арзишҳои давлатдорӣ ва муаррифии шоистаи имконияти Тоҷикистон ниҳоят бузург аст.

Иттилоъ дода шуд, ки дар семоҳаи аввали соли 2025  12 устоди Донишгоҳи давлатии Бохтар дар шуроҳои диссертатсионӣ муваффақона рисола дифоъ намуданд.

Ёдовар мешавем, ки конференсияи илмӣ — назариявии устодону донишҷӯён 17-18 апрел дар 45 кафедра доир шуда, корҳои илмию таҳқиқотӣ мавриди баррасӣ қарор мегиранд.

АКС: Донишгоҳи давлатии Бохтар ба номи Носири Хусрав

Апрель 20, 2025 16:00

Хабарҳои дигари ин бахш

Дар ноҳияи Темурмалик мактаби нав ба истифода дода шуд
Дар Душанбе таҳти унвони «Нақши «Шоҳнома» дар ташаккули ҷаҳонбинии ҷавонони Тоҷикистон» хониши сиёсӣ доир шуд
Дар Душанбе даври ҷумҳуриявии Озмуни «Мураббии соли Тоҷикистон — 2025» оғоз гардид
Байни Донишгоҳи технологии Тоҷикистон ва Маркази таълимии касбӣ-техникии ноҳияи Чинду шартномаи ҳамкорӣ ба имзо расид
Донишгоҳи байналмилалии сайёҳӣ ва соҳибкории Тоҷикистон бо донишгоҳҳои пешқадами Ҷопон робитаи мустақими академӣ ба роҳ мемонад
Донишҷӯи Академияи идоракунии давлатии Тоҷикистон дар Мусобиқаи байналмилалии «Asian Championship» соҳиби медали тилло шуд
Ҳусейн Ализода ғолиби даври шаҳрии Озмуни ҷумҳуриявии «Омӯзгори соли Тоҷикистон-2025» гардид
Доир ба нақши Президенти Тоҷикистон дар таҳкими Истиқлоли давлатӣ конфронс баргузор шуд
Намояндагони Парлумони Иттиҳоди Аврупо бо донишҷӯёни Академияи идоракунии давлатӣ мулоқот намуданд
Дар Донишгоҳи давлатии Кӯлоб Маркази омӯзиши ҳунарҳои мардумӣ таъсис дода шуд
Кормандони соҳаи маориф дар Остона оид ба таҳияи барномаҳои таълимӣ таҷриба омӯхтанд
Дар Ҷамоати деҳоти Дӯконии шаҳри Норак бинои муассисаи томактабӣ сохта мешавад