Дар Донишгоҳи технологии Тоҷикистон оид ба Эъломияи Хуҷанд ҳамоиши ҷумҳуриявӣ доир шуд

Апрель 5, 2025 13:25

ДУШАНБЕ, 05.04.2025. /АМИТ «Ховар»/. Эъломияи Хуҷанд дорои аҳамияти баланди сиёсӣ ва таърихӣ аст. Имрӯз ҳама талошҳои Президенти Ҷумҳурии Тоҷикистон,  Пешвои миллат муҳтарам Эмомалӣ Раҳмон ба он равона шудаанд, ки ин таҷрибаи созандаи таърихиро наслҳои имрӯзаву оянда истифода намоянд. Зеро рушди ҳамаҷонибаи ҳамкории зичи мардумону давлатҳои ҳамсоя дар ҳамаи соҳаҳои манфиатҳои муштарак яке аз самтҳои афзалиятноки сиёсати хориҷии Тоҷикистон маҳсуб меёбад. Ин матлаб 4 апрел дар Донишгоҳи технологии Тоҷикистон зимни Ҳамоиши илмӣ-назариявии ҷумҳуриявӣ таҳти унвони «Ҳамрайъӣ аз Эъломияи Хуҷанд: дӯстии абадӣ — омили осудаҳолӣ ва рушди давлатҳо» баён гардид.

Ректори Донишгоҳи технологии Тоҷикистон Зоир Раҳмонзода иброз намуд, ки ҳамоиши имрӯза дар партави баргузории чорабинии муҳим-саммити сеҷонибаи сарони давлатҳои Тоҷикистон, Қирғизистон ва Узбекистон, ки 31 март дар шаҳри Хуҷанд доир шуд, баргузор мегардад.

— Тавре Президенти Тоҷикистон муҳтарам  Эмомалӣ Раҳмон иброз намуданд,  «мо ба анъанаҳои деринаву созандаи ҳамзистии дӯстонаи мардумони Осиёи Марказӣ содиқ мемонем. Бо ин мақсад дар муносибатҳоямон бо кишварҳои ҳаммарз ба пешбурди сиёсати дӯстӣ, ҳамсоягии нек, адами мудохила ба корҳои дохилии якдигар, истифодаи воситаҳои дипломативу сиёсӣ дар ҳалли масъалаҳои баҳснок, аз ҷумла масъалаҳои сарҳадӣ ва обу энергетика афзалияти комил хоҳем дод», -иқтибос овард аз суханони Сарвари давлат Зоир Раҳмонзода.

Таъкид  шуд, ки  натиҷаҳои мулоқоти роҳбарони се давлати  ҳамсоя ба таҳкими минбаъдаи дӯстӣ, муносибатҳои накуҳамсоягӣ, ҳамдигарфаҳмӣ, эҳтиром ва эътимоди мутақобил, инчунин, ҳамкории созандаву муассир миёни давлатҳоямон ва мардумони бародар мусоидат менамоянд.

Ҳамчунин иброз гардид, ки ин  руйдоди фараҳбахши таърихӣ дар воситаҳои ахбори оммави хориҷию ватанӣ васеъ инъикос гардида, ҳамовозии зиёд пайдо намуд.

АКС: Донишгоҳи технологии Тоҷикистон

Апрель 5, 2025 13:25

Хабарҳои дигари ин бахш

Ба тамоми шуъбаҳои маорифи Тоҷикистон беш аз 9 миллион китоби дарсӣ ва маводи таълимӣ дастрас карда мешавад
НАВГОНӢ ДАР СОЛИ НАВИ ТАҲСИЛ. Дар Тоҷикистон ба дониш ва малакаи хонандагон дар сатҳи 10 хол баҳо гузошта мешавад
Форуми дуюми Донишкадаи ҷумҳуриявии такмили ихтисос баргузор шуд
ОМОДАГӢ БА СОЛИ НАВИ ТАҲСИЛ. Хонандагони синфи якуми шаҳри Бӯстон ба ҷараёни таълим шинос карда мешаванд
Дар Душанбе оид ба рақамикунонӣ ва зеҳни сунъӣ ҳамоиш доир гардид
Тавассути Маркази барномаҳои байналмилалӣ беш аз 117 ҳазор шаҳрванди Тоҷикистон дар хориҷа таҳсил намудааст
ОМОДАГӢ БА СОЛИ НАВИ ТАҲСИЛ. Дар шаҳри Ҳисор се мактаби нав ба истифода дода мешавад
Дар Душанбе оид ба тарбияи насли наврас ҳамоиш доир гардид
Ҳайати Вазорати маориф ва таҳсилоти олии Давлати Қатар ба Донишгоҳи байналмилалии забонҳои хориҷии Тоҷикистон ташриф оварданд
Ба соҳаи маорифи вилояти Хатлон Сертификат дар ҳаҷми беш аз даҳ миллион сомонӣ тақдим карда шуд
Даври шаҳрии Озмуни ҷумҳуриявии «Мураббии соли Тоҷикистон-2025» ҷамъбаст гардид
Таҳкими ҳамкории Донишгоҳи миллии Тоҷикистон бо Вазорати маориф ва илми Қатар баррасӣ карда шуд