Дар Хуҷанд Олимпиадаи минтақавии хонандагон барои дарёфти «Ҷоми Раёсати ДБССТ» оғоз гардид
ДУШАНБЕ, 02.04.2025 /АМИТ «Ховар»/. Имрӯз дар Литсейи касбии хизмати шаҳри Хуҷанди назди Донишгоҳи байналмилалии сайёҳӣ ва соҳибкории Тоҷикистон Олимпиадаи минтақавии хонандагони синфҳои 9 ва 11-и муассисаҳои таҳсилоти миёнаи асосӣ, умумӣ ва ибтидоии касбии шаҳру ноҳияҳои вилояти Суғд аз рӯйи фанҳои математика, физика, химия, биология, технологияҳои иттилоотӣ ва география барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» оғоз гардид. Дар ин хусус АМИТ «Ховар» бо истинод ба ин донишгоҳ иттилоъ медиҳад.
Дар олимпиада, ки бо мақсади рушди малакаҳои зеҳнӣ ва тақвияти дониши хонандагон доир мегардад, беш аз 200 хонанда аз 18 шаҳру ноҳияҳои вилояти Суғд иштирок доранд. Иброз гардид, ки олимпиадаҳои фаннӣ воситаи муҳим барои ташаккули қобилияти таҳлилӣ ва эҷодии хонандагон ба шумор рафта, дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маърифат» гузаронида мешаванд.
Донишгоҳи байналмилалии сайёҳӣ ва соҳибкории Тоҷикистон пайваста барои рушди истеъдодҳои ҷавон шароити мусоид фароҳам меорад. Олимпиада барои таҳкими донишу маҳорати иштирокдорон заминаи устувор гузошта, онҳоро дар оянда ҳамчун муҳаққиқони соҳибистеъдод ва мутахассисони арзанда ба ҷомеа пешниҳод менамояд.
Баланд бардоштани шавқу рағбати хонандагон ба илмҳои дақиқ ва табиатшиносӣ, таҳкими дониш ва омодасозии онҳо барои саҳмгузорӣ дар пешрафти илм ва иқтисодиёти мамлакат аз ҳадафҳои асосии олимпиада арзёбӣ мегардад.
Интизор меравад, ки ғолибони олимпиада бо Ҷоми раёсати Донишгоҳи байналмилалии сайёҳӣ ва соҳибкории Тоҷикистон, дипломҳои дараҷаи 1, 2 ва 3 ва мукофоти пулӣ қадрдонӣ карда шаванд.
АКС: Донишгоҳи байналмилалии сайёҳӣ ва соҳибкории Тоҷикистон
ТАЪТИЛИ ТОБИСТОНА. Волидайн ва масъулин барои бофароғат ва самаранок гузаронидани он чӣ гуна омодагӣ мебинанд?
Сатҳи татбиқи технологияҳои иттилоотӣ дар муассисаҳои миёнаи умумии вилояти Хатлон таҳлил карда мешавад
Дар Донишгоҳи давлатии омӯзгории Тоҷикистон оид ба беҳтар намудани таълими забони русӣ конференсия доир шуд
Дар Донишгоҳи давлатии омӯзгории Тоҷикистон Маркази омӯзиши забони кореягӣ ифтитоҳ меёбад
Бахшида ба Рӯзи ҷаҳонии футбол байни кормандони соҳаи маорифи шаҳри Душанбе мусобиқаи футболи хурд идома дорад
Дар муассисаҳои таҳсилоти олии касбии Чин зиёда аз 5000 донишҷӯи тоҷик таҳсил менамоянд
Дар Донишгоҳи давлатии ҳуқуқ, бизнес ва сиёсати Тоҷикистон масъалаи истифодаи усулҳои нави таълими забонҳои хориҷӣ баррасӣ шуд
Донишгоҳи байналмилалии забонҳои хориҷии Тоҷикистон хатмкунандагонро ба муассисаҳои таълимӣ равона намуд
Беш аз 200 нафар донишҷӯён ва магистрантон соҳиби Стипендияи Раиси вилояти Суғд шуданд
Хонандагони тоҷик дар Олимпиадаи байналмилалии «Al-Khwarazmi» сазовори 12 ҷойи ифтихорӣ гардиданд
Нахустин нишасти вазирони маорифи давлатҳои Осиёи Марказӣ баргузор гардид
Донишҷӯи Коллеҷи омӯзгории шаҳри Турсунзода дар олимпиадаи байналмилалии «Англисони ҷавон» ҷойи сеюмро соҳиб гардид
