Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
ДУШАНБЕ, 18.04.2025 /АМИТ «Ховар»/. Дар доираи вохӯрии роҳбарони мақомоти олии аудити давлатҳои аъзои Созмони ҳамкории Шанхай 15 апрел дар Палатаи ҳисоби Ҷумҳурии Тоҷикистон ҳамоиш баргузор шуд. Дар ин хусус АМИТ «Ховар» бо истинод ба бахши иттилоот ва кор бо воситаҳои ахбори оммаи Палатаи ҳисоби Тоҷикистон хабар медиҳад
Дар ҳамоиш иқтидори Ҷумҳурии Тоҷикистон, ки дорои захираҳои бузурги оби тозаи нӯшокӣ мебошад ва захираҳои об, ки дар таъмини рушди устувори иқтисодиёти давлатҳо нақши муассир доранд, ба тариқи рӯнамо ба роҳбарони мақомоти олии аудити 10 давлати аъзои Созмони ҳамкории Шанхай муаррифӣ гардид.
Таъкид шуд, ки Тоҷикистон аз ҷумлаи давлатҳои пешсафе мебошад, ки бо дарки масъулияти глобалӣ дар сатҳи байналмилалӣ чандин ташаббусҳои муҳими стратегӣ пешниҳод ва татбиқ намудааст.
Ҳамчунин ба меҳмонон аз ҷониби роҳбарияти Палатаи ҳисоб китоби «Тоҷикон» бо забонҳои русӣ ва англисӣ тақдим гардид.
Ёдовар мешавем, ки 14-15 апрел дар Душанбе вохӯрии ҳафтуми роҳбарони мақомоти олии аудити давлатҳои аъзои Созмони ҳамкории Шанхай баргузор гардид. Дар вохӯрӣ масъалаҳои аудити захираҳои обӣ, ҳифзи пиряхҳо, устувории истифодаи захираҳои об ва аудити соҳаи кишоварзӣ, ҳамчунин масъалаҳои марбут ба аудити якҷоя дар соҳаи кишоварзӣ ва нақшаи чорабиниҳо барои давраи солҳои 2025-2027 баррасӣ шуданд.
АКС: Палатаи ҳисоби Ҷумҳурии Тоҷикистон
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
