Дар Тоҷикистон ҳавои моҳи охирини фасли баҳор чӣ гуна мешавад?
ДУШАНБЕ, 30.04.2025. /АМИТ «Ховар»/. Ҳавои моҳи охирини фасли баҳор- моҳи май дар Тоҷикистон тағйирёбанда шуда, бориши борон ва ба амал омадани раъду барқ дар назар аст. Ҳарорати миёнаи моҳонаи ҳаво дар баъзе ноҳияҳо аз меъёри иқлимӣ 1 дараҷа пасттар пешгӯӣ мешавад. Ҳавои имсола ба ҳавои моҳи майи соли 2005 шабоҳат дорад. Дар ин хусус ба АМИТ «Ховар» аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.
Дар баъзе ноҳияҳои вилояти Хатлон ва водиҳои ноҳияҳои тобеи ҷумҳурӣ ҳаво аз меъёри иқлимӣ 1 дараҷа пасттар пешгӯӣ шуда, дар водиҳо то 22 ва дар ноҳияҳои доманакӯҳӣ то 17 дараҷа гарм мешавад. Давоми моҳ ҳавои тағйирёбанда дар назар буда, ҳарорат аз 20 то 32 дараҷа гарм ва дар ноҳияҳои ҷанубӣ то 36 дараҷа гарм мешавад. Дар ноҳияҳои доманакӯҳ рӯзона то 27 дараҷа гарм мешавад. Миқдори моҳонаи бориши атмосферӣ дар ҳадди меъёри иқлимӣ ва дар баъзе ноҳияҳо аз меъёри иқлимӣ зиёдтар пешгӯӣ мешавад. Давоми моҳ дар баъзе ҳолатҳо борон, ба амал омадани раъду барқ ва жола пешгӯӣ мешавад.
Дар водиҳои вилояти Суғд ҳаво то 22 ва дар ноҳияҳои кӯҳӣ то 12 дараҷа гармиро ташкил медиҳад. Миқдори моҳонаи бориши атмосферӣ дар ҳадди меъёри иқлимӣ ва дар баъзе ноҳияҳо аз меъёри иқлимӣ зиёдтар пешгӯӣ мешавад. Давоми моҳ ҳавои тағйирёбанда пешгӯӣ шуда, дар баъзе ҳолатҳо боридани борон ва ба амал омадани раъду барқ ва жола дар назар аст.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳаво то 16 дараҷа гарм мешавад. Давоми моҳ тағйирёбии ҳарорат дар назар аст. Дар рӯзҳои алоҳида баландшавии ҳаво то 29+34 дараҷа дар назар аст. Ба амал омадани раъду барқ ва боридани жола пешгӯӣ мешавад.
Дар шарқи Вилояти Мухтори Кӯҳистони Бадахшон ҳаво то 5 дараҷа гарм мешавад. Давоми моҳ тағйирёбии ҳаво пешгӯӣ шуда, шабона аз 1-6 дараҷа хунук то 4 дараҷа гарм ва рӯзона то 15 дараҷа гармӣ пешгӯӣ мешавад. Рӯзҳои алоҳида дар баъзе минтақаҳо шиддати вазиши шамол аз самти ғарб бо суръати то 15-20 метр дар як сония аз эҳтимол дур нест.
АКС: АМИТ «Ховар»
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
