Масъалаи густариши ҳамкорӣ дар самти маблағгузории бахши маориф дар Вашингтон баррасӣ гардид
ДУШАНБЕ, 22.04.2025. /АМИТ «Ховар»/. Масъалаи густариши ҳамкорӣ дар самти маблағгузории бахши маориф, аз ҷумла маблағгузории фарогир, дастрас ва босифати таҳсилот, вусъат бахшидан ба таҳсилоти томактабӣ, такмили ихтисоси омӯзгорон, рушди инфрасохтори муассисаҳои таълимӣ ва татбиқи низоми омӯзиши рақамӣ 21 апрел дар вохӯрии Вазири молияи Ҷумҳурии Тоҷикистон Файзиддин Қаҳҳорзода бо роҳбарияти Шарикии глобалӣ барои таҳсилот (Global Partnership for Education – GPE) дар шаҳри Вашингтон баррасӣ гардид.
Тавре аз Вазорати молияи Ҷумҳурии Тоҷикистон ба АМИТ «Ховар» хабар доданд, зимни вохӯрӣ иброз гардид, ки Тоҷикистон аз соли 2005 инҷониб бо Шарикии глобалӣ барои таҳсилот ҳамкорӣ дорад. Дар ин давра 12 лоиҳа ба маблағи умумии беш аз 86,8 миллион доллари ИМА маблағҳои грантӣ амалӣ гардиданд.
Ин лоиҳаҳо ба беҳтар намудани муҳити таҳсил, баланд бардоштани сатҳи саводнокии хонандагон ва устувории низоми таълим равона шудаанд.
Вазири молияи Тоҷикистон ба роҳбарияти Шарикии глобалӣ барои таҳсилот (GPE) барои ҳамкории судманд ва саҳми арзанда дар рушди низоми таҳсилоти Тоҷикистон изҳори миннатдорӣ намуда, омодагии вазоратро барои таҳкими ҳамкорӣ дар самтҳои афзалиятноки соҳаи маориф таъкид дошт.
АКС: Вазорати молияи Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
