Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
ДУШАНБЕ, 17.04.2025 /АМИТ «Ховар»/. Дар вохӯрии ҷамъбастии ҳайати Хазинаи Байналмилалии Асъор бо масъулини вазорату идораҳои бахши иқтисодии Тоҷикистон, ки таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода дар Душанбе доир гардид, натиҷаи миссияи Хазинаи Байналмилалии Асъор оид ба машваратҳо тибқи моддаи IV ва шарҳи дуюми татбиқи барномаи фишанги ҳамоҳангсозии сиёсати Хазина барои Ҷумҳурии Тоҷикистон баррасӣ карда шуд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Муовини якуми Сарвазири мамлакат гуфт, ки татбиқи барномаи фишанги ҳамоҳангсозии сиёсат тибқи нақша доир шуда, нишондиҳандаҳои миқдорӣ ва ҳадафҳои ислоҳоти дар шарҳи дуюм дарҷшуда дар маҷмуъ ба даст оварда шуданд. Дар натиҷаи ислоҳоти пайгирона рушди устувори иқтисодиёти мамлакат ба мушоҳида расида, сиёсати пулию қарзӣ самаранокии худро дар нигоҳдории таваррум дар сатҳи поёнтар аз доираи мақсаднок нишон медиҳад.
«Умедворем, ки тамоюли мусбати рушди иқтисоди мамлакат боқӣ мемонад, аммо муваффақияти ин талошҳо ба якчанд омил ва пеш аз ҳама, ба суботи иқтисодӣ дар кишварҳои шарикони асосии тиҷоратии Тоҷикистон вобаста хоҳад буд. Тоҷикистон минбаъд низ барои таҳкиму устувории иқтисодиёт дар доираи барномаи фишанги ҳамоҳангсозии сиёсат, ки ба афзудани устувории буҷет, такмили сиёсати пулию қарзӣ, сиёсати қурбӣ ва сиёсати бахши молиявӣ, инчунин мусоидат ба рушди устувор ва фарогир нигаронида шудааст, тадбирҳои зарурӣ меандешад»,-иброз дошт муовини якуми Сарвазири Тоҷикистон.
Дар вохӯрӣ роҳбарони мақомоту идораҳои давлатии мамлакат низ оид ба татбиқи барнома назару пешниҳодҳояшонро баён доштанд. Роҳбари ҳайати Хазинаи Байналмилалии Асъор Мэтю Гартнер аз натиҷаи вохӯриҳои ҳайат бо роҳбарони вазорату идораҳо, тамоюли мусбат доштани нишондиҳандаҳо ва дурнамои иқтисодии Тоҷикистон сухан намуда, гуфт, ки шарҳу эзоҳи пешниҳодгардида дар давраҳои минбаъдаи музокирот ба инобат гирифта мешаванд.
Таъкид шуд, ки Ҳукумати Ҷумҳурии Тоҷикистон аҳаммияти барномаро дарк намуда, барои татбиқи муваффақонаи он талош менамояд.
Ёдовар мешавем, ки ҳайати Хазинаи Байналмилалии Асъор аз 2 то 15 апрел дар Тоҷикистон қарор дошта, бо роҳбарони баъзе вазорату муассисаҳои бахши иқтисодии мамлакат машварату мулоқоти корӣ анҷом дод.
АКС: Бонки миллии Тоҷикистон
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
ҚУРБИ АСЪОР: дар Тоҷикистон 1 евро аз 11.2607 то 11.3500 сомонӣ муқаррар шудааст
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
