Соли 2025 барои занони ҳунарманди шаҳри Хуҷанд 40 грант ҷудо гардид

ДУШАНБЕ, 18.04.2025. /АМИТ «Ховар»/.  Аз ҷониби Раиси шаҳри Хуҷанд барои занони ҳунарманд дар соли 2025 40 грант дар ҳаҷми 165 ҳазор сомонӣ ҷудо гардид.

Тавре аз Мақомоти иҷроияи ҳокимияти давлатии шаҳри Хуҷанд ба АМИТ «Ховар» иттилоъ доданд, аз ин шумора 5 грант ба маблағи 8000 сомонӣ, 10 грант ба маблағи 5000 сомонӣ ва 25 грант ба маблағи 3000 сомонӣ мебошад.

Ин тадбир тибқи Қарори Раиси шаҳри Хуҷанд «Дар бораи таъсис ва ҷудо намудани грантҳои  Раиси шаҳр оид ба дастгирӣ ва рушди фаъолияти соҳибкории занони ҳунарманд ва эҷодкор барои солҳои 2021-2025» амалӣ мешавад.

Барои дарёфти грант озмун доир мегардад. Озмун тибқи Фармони Президенти Ҷумҳурии Тоҷикистон аз 3 декабри соли 1999 «Дар бораи тадбирҳои баланд бардоштани мақоми зан дар ҷомеа» гузаронида мешавад.

Муҳлати супоридани ҳуҷҷатҳо то 30 май муайян гардидааст. Хоҳишмандон метавонанд барои маълумоти иловагӣ ба шуъбаи кор бо занон ва оилаи шаҳри Хуҷанд муроҷиат намоянд.

АКС: Мақомоти иҷроияи ҳокимияти давлатии шаҳри Хуҷанд