Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
ДУШАНБЕ, 24.05.2025 /АМИТ «Ховар»/. 19 май дар шаҳри Женеваи Конфедератсияи Швейтсария ҷаласаи 78-уми Ассамблеяи ҷаҳонии тандурустӣ дар мавзуи «Институтсионилизатсияи таҳлили сиёсат дар асоси маълумот баҳри таҳияи сиёсати тандурустӣ» оғоз гардид, ки дар он ҳайати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок доранд. Дар ин хусус АМИТ «Ховар» бо истинод ба Вазорати тандурустӣ ва ҳифзи иҷтимоии аҳолӣ хабар медиҳад.
Дар қисмати пленарии ҷаласа муовини Вазири тандурустӣ ва ҳифзи иҷтимоии аҳолии ҷумҳурӣ Зулфия Абдусаматзода оид ба рушди соҳаи тандурустӣ, дастгириҳои Ҳукумати Ҷумҳурии Тоҷикистон нисбат ба соҳа ва ҳамкории муфид бо шарикон оид ба рушд сухан гуфт.
Иброз гардид, ки дастгирӣ ва кумаки Ҳукумати Тоҷикистон имкон дод то дар ҷумҳурӣ давомнокии умри шаҳрвандон зиёд ва фавти модарону кӯдакон коҳиш дода шавад. Маблағгузории соҳа дар 5 соли охир 2,5 маротиба зиёд гардида, корҳо дар самти мубориза ба бемориҳои сироятӣ ва ғайрисироятӣ дар сатҳи хуб ба роҳ монда шудаанд.
Сардори Раёсати таҳсилоти тиббию фарматсевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолӣ Саломуддин Юсуфӣ дар мавзуи «Қабули қарорҳо дар асоси маълумоти далелнок» маърӯза намуд.
Тазаккур дода шуд, ки соли 2024 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо дастгирии техникии Ташкилоти умумиҷаҳонии тандурустӣ ва Маркази EPPI Донишгоҳи Коллеҷи Лондон (UCL) арзёбии васеъмиқёси экосистемаи сиёсати далелнокро оғоз намуд. Тадқиқот ба воситаи мусоҳибаҳо бо ҷонибҳои манфиатдор, гурӯҳҳои фокусӣ ва таҳлили беш аз 65 санади сиёсати тандурустӣ анҷом дода шуд.
Дар доираи ҷаласаи 78-уми Ассамблеяи ҷаҳонии тандурустӣ намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо директори минтақавии Дафтари Ташкилоти ҷаҳонии тандурустӣ оид ба давлатҳои Аврупо, роҳбари Ташкилоти шарикии Глобалӣ оид ба беҳтар намудани дастрасӣ бо воситаҳои ёрирасон ва муовини Вазири тандурустии Федератсияи Русия вохурӣ намуданд.
Ҷонибҳо барои боз ҳам беҳтар намудани ҳамкорӣ дар самти хизматрасонии тиббӣ, рушди кумаки аввалияи тиббию санитарӣ, беҳтар намудани дастрасӣ ба ваксина ва ислоҳоти низоми маблағгузории соҳаи тандурустӣ ва дигар масъалаҳои соҳа мубодилаи афкор намуданд.
Ҷаласаи 78-уми Ассамблеяи ҷаҳонии тандурустӣ то 27 май идома ёфта, дар он намояндагони зиёда аз 200 давлати олам иштирок доранд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Душанбе Форуми дуюми коршиносии «Русия — Осиёи Марказӣ: рӯзномаи рушди муштарак» баргузор мешавад
Табибони тоҷик дар шаҳри Москваи Федератсияи Русия фаъолияти назаррас доранд
Бо Қарори Ҳукумати Ҷумҳурии Тоҷикистон КВД «Почтаи Тоҷикистон» таъсис дода шуд
ПУРСИДЕД? ҶАВОБ МЕДИҲЕМ. Парвандаҳои маданӣ дар судҳо чӣ гуна баррасӣ карда мешаванд?
Раиси Суди Олии иқтисодии Ҷумҳурии Тоҷикистон: «Дар фаъолияти судҳо нақши забон амиқу дақиқ дарҷ шудааст»
Ҷаласа доир ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият баргузор гардид
Дар Душанбе ҷаласаи 38-уми Шурои ҳамкорӣ дар соҳаи тандурустии кишварҳои аъзои ИДМ ба кори худ оғоз намуд
«ЗАБОН-ҲАСТИИ МИЛЛАТ». Дар муассисаҳои таълимии шаҳри Хуҷанд Рӯзи забони давлатӣ таҷлил мегардад
Дар Душанбе ҷаласаи 38-уми Шурои ҳамкорӣ дар соҳаи тандурустии давлатҳои аъзои ИДМ баргузор мегардад
НАМУНАИ ИБРАТ. Раиси ноҳияи Восеъ ва раиси Ҷамоати Оббурдони ноҳияи Мастчоҳ писаронашонро ба хизмати ҳарбӣ гусел намуданд
Дар Тоҷикистон шумораи аҳолии аз 100-сола боло 415 нафарро ташкил медиҳад
1 ОКТЯБР — РӮЗИ ПИРОНСОЛОН. Таъмини зиндагии шоиста барои онҳо афзалияти сиёсати иҷтимоии Тоҷикистон аст
