Ба хонандагон аҳамияти фанҳои дақиқ дар ҳалли масъалаҳои муҳими экологӣ ва технологӣ фаҳмонида шуд
ДУШАНБЕ, 05.05.2025 /АМИТ «Ховар»/. Хонандагони Гимназияи «Кафолат»-и рақами 63-и шаҳри Душанбе бо фаъолияти озмоишгоҳи Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон шинос шуданд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, ба хонандагон дар бораи таҳқиқоти илмӣ дар соҳаҳои химия, биология, радиатсия ва ядро маълумот дода шуд. Мутахассисони агентӣ аҳамияти фанҳои дақиқро дар ҳалли масъалаҳои муҳими экологӣ ва технологӣ, аз ҷумла омӯзиши уран, мониторинги радиатсионӣ ва таҳияи харитаҳои радиоэкологӣ шарҳ доданд.
Хонандагон имкон пайдо намуданд, ки аҳамияти илмҳои табиатшиносӣ ва дақиқро дар рушди ҷомеа дарк намуда, ба омӯзиши фанҳои риёзӣ, физика ва химия ҳавасманд гарданд.
Чунин ташаббусҳо ба татбиқи Барномаи давлатии рушди фанҳои дақиқ мусоидат намуда, насли наврасро ба касбҳои илмӣ ва технологӣ ҷалб менамояд.
АКС: Академияи миллии илмҳои Тоҷикистон
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
Дар Душанбе Рӯзи фарҳанги ноҳияи Хуросон доир шуд
Рӯзи фарҳанги ноҳияи Айнӣ дар шаҳри Душанбе пуршукуҳ баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Айнӣ, Хуросон ва Деваштич баргузор мегарданд
АДАБИЁТ ВА ВОҚЕИЯТИ ҲАЁТ
«Шоҳнома»-и Абулқосим Фирдавсӣ дар озмуни байналмилалӣ соҳиби Шоҳҷоиза гардид
Китоби нав таҳти унвони «Роғун» ба табъ расид
Дар Душанбе рӯзҳои фарҳанги ноҳияҳои Айнӣ, Хуросон, Деваштич, Шаҳристон, Данғара ва Кӯҳистони Мастчоҳ баргузор мегарданд
Дар доираи сафари давлатии Президенти Тоҷикистон дар Улан-Батор Рӯзҳои фарҳанги Ҷумҳурии Тоҷикистон ифтитоҳ гардиданд
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Филми ҳунарии «Моҳӣ дар шаст» дар Ҷашнвораи байналмилалии филмҳои Созмони ҳамкории Шанхай соҳиби ҷоиза шуд
