Бахшида ба Рӯзи байналмилалии ҳимояи кӯдакон дар ноҳияи Рашт барномаи бошукуҳи идона доир гардид
РАШТ, 31.05.2025 /АМИТ «Ховар»/. Бахшида ба Рӯзи байналмилалии ҳимояи кӯдакон дар ноҳияи Рашт барномаи бошукуҳи идона баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рашт иттилоъ доданд.
Раиси ноҳияи Рашт Зарина Идизода кӯдаконро бахти ҳар оила ва ояндаи миллат арзёбӣ намуда, иброз дошт, ки «таъмин намудани шароити мусоиди зиндагӣ ва омӯзишу парвариши кӯдакон аз ҳадафҳои муҳимтарини сиёсати иҷтимоии давлату Ҳукумати Ҷумҳурии Тоҷикистон ба шумор меравад. Дар замони соҳибистиқлолии Тоҷикистон бо ҳидояту роҳнамоии Пешвои миллат муҳтарам Эмомалӣ Раҳмон таъмини ҳуқуқу манфиатҳои кӯдак таҳти назорати доимии давлату Ҳукумати Ҷумҳурии Тоҷикистон қарор дорад. Ҳамзамон аз ҷониби давлат барои амалишавии орзую ормонҳои кӯдакон, бахусус кӯдакони ятиму бепарастор дилсӯзию меҳрубонии хосса зоҳир мегардад».
Дар барнома бо дастгирии Мақомоти иҷроияи ҳокимияти давлатии ноҳияи Рашт ба кӯдакони ятиму бепарастор ва имконияташон маҳдуд туҳфаҳои хотиравӣ тақдим карда шуданд.
Дар ҳамоиши тантанавӣ тарбиятгирандагони кӯдакистонҳо ва муассисаҳои таълимӣ бо иҷрои шеъру тарона, рақсу саҳначаҳои ҷолиб ва баромадҳои ҳунарӣ ба фазои идона шукуҳи бештар бахшиданд. Ҳозирин аз ҳунари кӯдакон ва тайёрии хуби онҳо истиқбол намуданд.
АКС: Мақомоти иҷроияи ҳокимияти давлатии ноҳияи Рашт
Дар Тоҷикистон нишондиҳандаи дарозумрии аҳолӣ аз 70 ба 77 сол расид
Дар Душанбе татбиқи «Барномаи таълим дар соҳаи ҳуқуқи инсон барои солҳои 2022-2026»-ро мавриди баррасӣ қарор доданд
Бинои хобгоҳи донишҷӯёни Донишгоҳи давлатии Бохтар барои 460 нафар пешбинӣ шудааст
«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
Ба кӯдакони ятим ва ниёзманди ноҳияи Ёвон кумак расонида шуд
Ҷаласаи якуми Шурои ҷамъиятии «Занони Тоҷикистон» баргузор гардид
«ЭМОМАЛӢ РАҲМОН — ПЕШВОИ СУЛҲОФАР». Таҳти чунин унвон ҳамоиш баргузор гардид
«ЗАНОН — ДАР МЕҲВАРИ ПАЁМ». Дар Душанбе ҳамоиши занону духтарон баргузор гардид
Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Раванди ислоҳоти низоми тандурустӣ то соли 2030 баррасӣ гардид
МАСЛИҲАТИ МУТАХАССИС. Омилҳои пайдоиши диабети қанд ирсӣ, фарбеҳӣ ва фишорбаландӣ мебошанд
