Дар доираи Конфронси байналмилалии сатҳи баланд оид ба ҳифзи пиряхҳо бо иштироки Сарвазири Тоҷикистон ҷаласаи пленарӣ доир шуд
ДУШАНБЕ, 30.05.2025. /АМИТ «Ховар»/. Имрӯз баъд аз ифтитоҳи Конфронси байналмилалии сатҳи баланд оид ба ҳифзи пиряхҳо, ки таҳти раёсати Президенти Ҷумҳурии Тоҷикистон муҳтарам Эмомалӣ Раҳмон баргузор гардид, бо иштироки Сарвазири Ҷумҳурии Тоҷикистон, раиси Кумитаи тадорукоти конфронс Қоҳир Расулзода ҷаласаи пленарӣ доир шуд. Дар ин хусус хабарнигори АМИТ «Ховар» иттилоъ медиҳад.
Дар ҷаласаи пленарӣ нақши Ҷумҳурии Тоҷикистон, созмонҳои байналмилалӣ, шарикони рушд ва ҷомеаи илмӣ дар ҳалли масъалаҳои обу иқлим ва масъалаҳои марбут ба ҳифзи пиряхҳо, пешгирии обшавии пиряхҳо, хусусан ифлосшавии муҳити зист, гузаронидани корҳои омӯзишӣ, экспедитсияҳо, баланд бардоштани сатҳи огоҳӣ дар бораи Соли байналмилалии ҳифзи пиряхҳо баррасӣ карда шуданд.
Таъкид шуд, ки ташаббусҳои глобалии Тоҷикистон вобаста ба масъалаҳои обу иқлим, хусусан аз ҷониби Созмони Милали Муттаҳид қабул гардидани Қатънома дар асоси пешниҳоди Тоҷикистон оид ба эълон намудани соли 2025 Соли байналмилалии пиряхҳо, 21 март- Рӯзи байналмилалии ҳифзи пиряхҳо ва таъсис ёфтани Фонди ҳифзи пиряхҳо бори дигар ҷаҳонро ба андешидани тадбирҳои муассир доир ба ин масъалаҳо водор менамоянд. Дар ҷаласаи пленарӣ қарорҳои марбута қабул ва баррасӣ гардиданд.
Ёдовар мешавем, ки имрӯз таҳти раёсати Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе аввалин Конфронси байналмилалии сатҳи баланд оид ба ҳифзи пиряхҳо баргузор гардид.
Зимни конфронси сатҳи баланд Президенти Тоҷикистон барои коҳиш додани раванди обшавии пиряхҳо пешниҳод намуданд, ки ҷомеаи ҷаҳон ба баланд бардоштани сатҳи огоҳии ҷомеаи ҷаҳонӣ оид ба нақши ҳаётан муҳими пиряхҳо дар таъмини захираҳои оби ошомиданӣ ва ҳалли маҷмуи масъалаҳои рушди устувор диққати махсус зоҳир намоянд. Ҳамчунин бо ҷалби фаъоли олимону пажӯҳишгарон, ҷомеаи шаҳрвандӣ ва дигар ҷонибҳои манфиатдор барои ҳалли мушкилоти обшавии босуръати пиряхҳо ва оқибатҳои фарогири он ҳамкорӣ бояд таҳким бахшида шавад.
Зарангези ЛАТИФ,
АМИТ «Ховар»
АКС аз Дидор Саъдуллоев
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
