Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
ДУШАНБЕ, 24.05.2025. /АМИТ «Ховар»/. Бахшида ба Солҳои рушди иқтисоди рақамӣ ва инноватсия (2025-2030) дар Донишгоҳи байналмилалии забонҳои хориҷии Тоҷикистон ба номи Сотим Улуғзода Маркази иттилоот, инноватсия ва рақамикунонӣ ифтитоҳ гардид. Дар ин хусус ба АМИТ «Ховар» аз ин донишгоҳ хабар доданд.
Марказ дорои 65 ҷойи нишаст буда, бо хати интернети баландсуръат пайваст мебошад. Он ба омӯзгорону донишҷӯён имконият медиҳад, ки дар раванди дарсҳо ба муҳити ташаккули забони омӯхташаванда ворид шуда, бо фарҳангу тамаддун ва заминаи рушди забонҳои хориҷӣ шинос шаванд.
Инчунин омӯзгорони донишгоҳҳои хориҷи мамлакат, ки бо Донишгоҳи байналмилалии забонҳои хориҷии Тоҷикистон шартномаи ҳамкорӣ доранд, метавонанд ба таври онлайн ба донишҷӯён ва шунавандагони даврҳои забономӯзӣ дарс диҳанд.
Минбаъд ба фаъолияти омӯзгорон ва донишҷӯёни ин донишгоҳ пурра аз тариқи электронӣ баҳо гузошта мешавад. Ҳамзамон истифодаи барномаҳои автоматикунонида ба сарфаи вақт, кам кардани хароҷот ва аз байн бурдани омилҳои субективӣ мусоидат мекунад.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон бо мақсади вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт солҳои 2025 – 2030-ро Солҳои рушди иқтисоди рақамӣ ва инноватсия эълон намуданд.
Маркази иттилоот, инноватсия ва рақамикунонии Донишгоҳи байналмилалии забонҳои хориҷии Тоҷикистон дар асосои дастуру супоришҳои Пешвои миллат муҳтарам Эмомалӣ Раҳмон ба фаъолият оғоз намуд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
Дар шаҳри Гулистон ғолибони олимпиадаҳои ҷумҳуриявӣ ва байналмилалӣ қадрдонӣ карда шуданд
КВОТАИ ПРЕЗИДЕНТӢ. Тариқи он 717 нафар ҷавонони Бадахшон дар муассисаҳои таҳсилоти олии касбӣ таҳсил доранд
Имсол Донишгоҳи давлатии тиббии Тоҷикистонро 307 нафар донишҷӯёнӣ хориҷӣ хатм намуданд
Вобаста ба нақши ҷавонон дар ҳифзи Ваҳдати миллӣ ҳамоиши сиёсӣ-фарҳангӣ баргузор гардид
Дар Душанбе вобаста ба нақши такмили ихтисоси омӯзгорон Форуми байналмилалӣ баргузор гардид
Муовини Сарвазир бо вазъи муассисаҳои таҳсилоти ибтидоӣ ва миёнаи умумии ноҳияи Рашт шинос гардид
Сулаймон Зиёзода бо ҷараёни сохтмони синфхонаҳои иловагӣ дар ноҳияи Рашт шинос гардид
Малайзия барои таҳсили шаҳрвандони Тоҷикистон дар зинаи магистратура бурсия ҷудо намуд
