Дар Душанбе ҳамкории Тоҷикистон ва Озарбойҷон баррасӣ шуд
ДУШАНБЕ, 20.05.2025. /АМИТ «Ховар»/. Имрӯз дар шаҳри Душанбе вохӯрии Вазири фарҳанги Ҷумҳурии Тоҷикистон Матлубахон Сатториён бо Вазири фарҳанги Ҷумҳурии Озарбойҷон Адил Керимли доир шуд, иттилоъ медиҳад АМИТ «Ховар».
Вохӯрӣ дар доираи Рӯзҳои фарҳанги Озарбойҷон дар Тоҷикистон баргузор шуда, ҷонибҳо оид ба муносибатҳои ду давлат ва рушди ҳамкории фарҳангӣ мубодилаи афкор анҷом доданд.
Инчунин дар вохӯрӣ ташкили сафарҳо ва барномаҳои ҳунарии муштарак бо иштироки ҳунармандони ду мамлакат ва имконияти такмили ихтисоси мутахассисони тоҷик дар соҳаҳои санъату фарҳанг дар муассисаҳои таълимӣ мавриди баррасӣ қарор гирифт.
Иброз карда шуд, ки дар доираи ҳамкории фарҳангии ду мамлакат то имрӯз табодули таҷрибаи донишмандон, устодон, донишҷӯён, амалинамоии барномаҳои фарҳангию мусиқӣ ва иштироки аҳли илму фарҳанг дар ин гуна барномаҳо доир гардидааст. Яке аз жанрҳои фарҳанги ду давлат, ки ба ҳам наздикӣ дорад, мусиқии классикии «Шашмақом»-тоҷикӣ ва «Мақом»-и озарӣ, инчунин ҳамнавоии «Фалак»-и тоҷикӣ ва «Ошиқ»-и озарӣ мебошад.
Таъкид гардид, ки фарҳанги халқҳои ду мамлакат аз рӯйи анъана ва тарзи зиндагӣ ба ҳам наздикӣ дорад. 20-23 майи соли 2024 дар шаҳрҳои Боку ва Ганҷаи Озарбойҷон Рӯзҳои фарҳанги Тоҷикистон бо шукуҳу шаҳомати хосса баргузор шуданд.
Сипас ҳайати Рӯзҳои фарҳанг бо мусаввараҳои таърихӣ, Осорхонаи китоб ва толори китобҳои тозанашр шинос шуд.
Имрӯз, соати 16:00 дар Осорхонаи миллии Тоҷикистон намоишгоҳи «Мероси миллӣ: дурдонаҳои ҷовидонаи санъати Озарбойҷон» манзури тамошобинон гардонида мешавад.
Имрӯз, соати 18:00 дар Театри давлатии академии опера ва балети ба номи Садриддин Айнӣ Рӯзҳои фарҳанги Озарбойҷон дар Тоҷикистон баргузор мегарданд. Инчунин аз ҷониби ҳунармандони Театри давлатии академии драмавии русии Озарбойҷон намоиши «Ҳафт пайкар»-и Низомии Ганҷавӣ пешниҳод шуда, «Шоми мусиқии ҷаз» доир мешавад.
Дар назар аст, ки 21 май ҳайати расмии Рӯзҳои фарҳанги Озарбойҷон дар шаҳри Норак бо «Боғи анор» ва Неругоҳи барқи обии «Норак», Осорхонаи миллии Тоҷикистон, Кохи Наврӯз ва Маҷмаии «Истиқлол»-и шаҳри Душанбе шинос шавад. Инчунин дар Кохи фарҳанги ноҳияи Данғара барномаи консертии ансамбли созҳои миллии Озарбойҷон пешниҳод карда мешавад.
Дар ин рӯз дар Китобхонаи миллии Тоҷикистон гӯшаи осори адабиёти Озарбойҷон ифтитоҳ мегардад. Инчунин дар назар аст, ки байни Китобхонаи миллии Озарбойҷон ва Китобхонаи миллии Тоҷикистон Ёддошти тафоҳум ба имзо расад.
АКС: АМИТ «Ховар»
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
Китоби «Мероси таърихӣ, фарҳангӣ ва табиии Тоҷикистон» аз чоп баромад
Антропологи машҳури рус дар ёдгории Сари Майни ноҳияи Айнӣ таҳқиқот мегузаронад
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
