Дар Душанбе татбиқи «Стратегияи ҳамкории БАТР бо Ҷумҳурии Тоҷикистон барои солҳои 2023-2026» баррасӣ карда шуд
ДУШАНБЕ, 26.05.2025 /АМИТ «Ховар»/. Масъалаҳои марбут ба ҳамкории Ҷумҳурии Тоҷикистон бо Бонки Аврупоии таҷдид ва рушд дар соҳаи роҳу нақлиёт дар мулоқоти Вазири нақлиёти Ҷумҳурии Тоҷикистон Азим Иброҳим бо ҳайати намояндагони Бонки Аврупоии таҷдид ва рушд /БАТР/ баррасӣ гардид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Вазири нақлиёти Тоҷикистон изҳор дошт, ки бо иқдоми Ҳукумати мамлакат, хусусан Президенти Ҷумҳурии Тоҷикистон муҳтарам Эмомалӣ Раҳмон ҳамкорӣ бо ниҳодҳои байналмилалии молиявӣ, аз ҷумла Бонки Аврупоии таҷдид ва рушд беш аз пеш тавсеа меёбад, ки ин ба ҷалби сармоягузорӣ ба бахшҳои асосии иқтисодиёти мамлакат мусоидат менамояд.
Ҷонибҳо масъалаҳои вобаста ба татбиқи «Стратегияи ҳамкории БАТР бо Ҷумҳурии Тоҷикистон барои солҳои 2023-2026» ва таҳияи лоиҳаи Стратегияи нави ҳамкорӣ барои солҳои минбаъдаро, ки аз ҷониби коршиносони Бонки Аврупоии таҷдид ва рушд дар ҳамбастагӣ бо намояндагони вазорату идораҳои ҷумҳурӣ таҳия мегардад, муҳокима намуданд.
Вазири нақлиёти ҷумҳурӣ зимни мулоқот самтҳои муҳим ва афзалиятноки соҳаи роҳу нақлиётро бо назардошти ҳадафҳои стратегии мамлакат баён намуд. Аз ҷумла, иброз гардид, ки имрӯзҳо дар соҳаи нақлиёт ба бунёди инфрасохтори зарурӣ барои таъмини рушди долонҳои нақлиётӣ, истифодаи иқтидори транзитии мамлакат, фароҳам овардани шароити мусоид барои рушди нақлиёти барқӣ, таъмини рақамикунонии соҳа ва рушди низоми логистика авлавият дода шудааст.
Ҷонибҳо вобаста ба сармоягузорӣ ва ҳавасмандии Бонк барои иштирок дар татбиқи лоиҳаҳои таҷдиди роҳҳои мошингарди «Обигарм-Нуробод» ва «Гулистон-Данғара», мусоидат дар татбиқи низоми рақамӣ дар соҳаи нақлиёти мамлакат, бунёди маркази логистикӣ дар гузаргоҳи сарҳади давлатии «Фотеҳобод» ва ғайра изҳори назар намуданд.
Бо назардошти масъалаҳои муҳокимагардида ҷонибҳо ба мувофиқа расиданд, ки бо дастрас гардидани лоиҳаи Стратегияи нави ҳамкорӣ намояндагони вазорат якҷоя бо намояндагони Бонки Аврупоии таҷдид ва рушд дар такмили лоиҳа ва тақвияти ҳамкории минбаъда иштирок менамоянд.
АКС: Вазорати нақлиёти Ҷумҳурии Тоҷикистон
Дар Остона Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Тоҷикистон доир шуд
Дар Душанбе Форуми байналмилалии сармоягузории «Душанбе Инвест-2025» доир мегардад
Дар Панҷакент масоили муқовимат бо коррупсия ва сиёсати давлатии зиддикоррупсиониро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Дар Спитамен коргоҳи пойафзолдӯзӣ, мактаб–кӯдакистон ва маркази саломатӣ бунёд карда мешавад
Дар шаҳри Исфара Фестивали саводнокии молиявӣ гузаронида шуд
Комиссияи байниидоравӣ оид ба танзими соҳаи зеҳни сунъӣ таъсис дода шуд
Бахшида ба Рӯзи ихтироъкорон ва навоварон ҷаласаи тантанавӣ доир гардид
Дар шаҳри Гулистон вазирони энергетикаи Тоҷикистон ва Узбекистон таҳкими ҳамкории энергетикиро баррасӣ намуданд
Дар Душанбе тақвияти ҳамкорӣ дар самти ҷалби сармоя ва рушди соҳибкорӣ баррасӣ карда шуд
Дар Остона ҷаласаи ғайринавбатии Шурои роҳбарони мақомоти тафтиши молиявии давлатҳои аъзои ИДМ баргузор гардид
Дар Суғд дурнамои ҳамкории корхонаҳои муштаракро баррасӣ намуданд
Дар Хадамоти гумрук муқаррароти Кодекси андоз, рақамикунонии соҳа ва татбиқи хизматрасониҳои давлатӣ баррасӣ карда шуд
