Дар Хуҷанд рушди соҳаҳои кишоварзиро дар шароити тағйирёбии иқлим баррасӣ намуданд
ДУШАНБЕ, 26.05.2025 /АМИТ «Ховар»/. 24 май дар шаҳри Хуҷанди вилояти Суғд Семинари илмӣ — амалии байналмилалӣ дар мавзӯи “Рушди соҳаҳои кишоварзӣ дар шароити тағйирёбии иқлим” баргузор гардид. Дар ин хусус ба АМИТ «Ховар» аз маркази матбуот ва иттилооти Вазорати кишоварзии Ҷумҳурии Тоҷикистон хабар доданд.
Дар қисми амалии семинар иштирокдорон аз қитъаҳои таҷрибавии навъҳои гандуми хориҷӣ дар филиали Институти зироаткорӣ дар вилояти Суғд, қитъаҳои парвариши навъҳои гандуми Нодир ва Давр дар Пойгоҳи “Сомғор”-и Институти боғу токпарварӣ ва сабзавоткории Академияи илмҳои кишоварзии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон дар ноҳияи Бобоҷон Ғафуров ва аз бунёди боғи интенсивӣ дар Муассисаи давлатии Боғи ваҳдати миллӣ дидан намуданд.
Дар рафти семинари мазкур олимону мутахассисони Тоҷикистону Узбекистон дар мавзуъҳои “Технологияи муосири парвариши гандуми тирамоҳӣ дар шароити Тоҷикистон”, “Технологияи бунёди боғҳои интенсивӣ ва суперинтенсивӣ дар шароити Тоҷикистон”, “Хусусиятҳои хоси парвариши сабзавотҳо дар шароити гармхонаҳои инноватсионӣ”, “Парандапарварӣ дар Тоҷикистон”, “Таъминоти илмӣ, рушди босамар ва коркарди маҳсулоти он”, “Парвариши чорво, хусусиятҳои хоси парвариш ва дурнамои рушди соҳа” ва дигар масъалаҳо суханронӣ намуданд.
Дар анҷоми семинар ҷонибҳо оид ба ҳамкорӣ дар самти илму истеҳсолот изҳори ҳавасмадӣ намуданд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Гурӯҳи кории муштараки Тоҷикистону Чин оид ба зеҳни сунъӣ таъсис дода мешавад
Дар Суғд дар мавзуи ҳамкории фаромарзӣ дар соҳаи об машғулияти омӯзишӣ гузаронида шуд
Зернизоми Декларатсияи вуруд ва хуруҷи воситаҳои нақлиёти низоми иттилоотии Хадамоти гумрук -«АСИКУДА-и ҷаҳонӣ» фаъол карда шуд
Байни Душанбе ва Пекин парвозҳои мустақим ифтитоҳ гардиданд
Намояндаи Тоҷикистон дар Форуми ҳамкории индустриалӣ ва сармоягузории «Чин – Осиёи Марказӣ» иштирок намуд
То анҷоми соли 2025 дар Минтақаи озоди иқтисодии «Данғара» корхонаҳои нав ба фаъолият оғоз менамоянд
Натиҷаҳои Конфронси байналмилалии сатҳи баланд оид ба ҳифзи пиряхҳо дар Брюссел муаррифӣ карда шуд
Форуми сармоягузории Тоҷикистон ва Қирғизистон баргузор мегардад
Дар Душанбе самтҳои муҳими ҳамкории Тоҷикистон ва Чин дар соҳаи моликияти зеҳнӣ баррасӣ шуд
Гармхонаҳои инноватсионии шаҳри Леваканд фаъолияти босамар доранд
Намояндаи Тоҷикистон дар ҷаласаи Комиссияи панаврупоии СҶТ оид ба иқлим ва тандурустӣ иштирок намуд
Шуруъ аз 16 июн байни шаҳрҳои Душанбе ва Пекин парвозҳои мустақим анҷом дода мешаванд
