Дар Неругоҳи барқи обии «Себзор» 80 фоизи сохтмон ба анҷом расидааст
ДУШАНБЕ, 06.05.2025 /АМИТ «Ховар»/. Ҳоло 80 фоизи корҳои сохтмонӣ дар Неругоҳи барқи обии «Себзор», воқеъ дар ноҳияи Роштқалъаи Вилояти Мухтори Куҳистони Бадахшон ба анҷом расонида шудаанд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Вазири энергетика ва захираҳои оби Ҷумҳурии Тоҷикистон Далер Ҷумъа дар ноҳияи Роштқалъаи Вилояти Мухтори Кӯҳистони Бадахшон бо сохтмони Неругоҳи барқи обии «Себзор» шинос шуд. Масъулини Неругоҳи барқи обии «Себзор» итттилоъ доданд, ки сохтмони иншоот босуръат идома дошта, тамоми имконоти мавҷуда барои дар муҳлати муқарраршуда- соли 2025 пурра ба истифода додани неругоҳ равона гардидаанд.
Ба масъулин дастур дода шуд, ки бо назардошти аҳамияти стратегӣ ва иҷтимоии ин неругоҳ ҷараёни сохтмонро таҳти назорати доимӣ қарор дода, сифат ва муҳлати иҷрои корҳои техникиро ба таври қатъӣ риоя намоянд.
Неругоҳи барқи обии «Себзор» бо иқтидори 11 мегаватт дар дарёи Шоҳдара сохта шуда, баъди мавриди истифода қарор гирифтанаш иқтидори умумии энергетикии Вилояти Мухтори Кӯҳистони Бадахшон 25 дарсад зиёд мешавад.
Ин иншоот на танҳо ба таъмини устувори неруи барқ барои аҳолии маҳаллӣ мусоидат менамояд, балки имконоти рушди иқтисодию иҷтимоии минтақаро ба таври назаррас афзоиш медиҳад.
АКС: Вазорати энергетика ва захираҳои оби Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
