Дар Осорхонаи миллии Тоҷикистон ба ёдбуди Шоири халқии Тоҷикистон Боқӣ Раҳимзода намоиши ҷашнӣ оғоз ёфт
ДУШАНБЕ, 16.05.2025 /АМИТ «Ховар»/. Дар Осорхонаи миллии Тоҷикистон ба ифтихори 115-солагии Шоири халқии Тоҷикистон Боқӣ Раҳимзода таҳти унвони «Инъикоси осори Шоири халқии Тоҷикистон Боқӣ Раҳимзода дар Осорхонаи миллӣ» намоиши ҷашнӣ ташкил гардид, иттилоъ медиҳад АМИТ «Ховар» бо истинод ба ин осорхона.
Дар намоиш аз фонди Осорхонаи миллӣ ва ҳам аз ҳисоби фарзандони шоир беш аз 110 нигора, аз қабили мусаввараҳо, ордену медалҳо, ҷоизаҳо, ҳуҷҷатҳо, аксҳо, наворҳо ва китобҳо ба маърази тамошо пешниҳод шудаанд, ки фаъолияти пурсамари Шоири халқии Тоҷикистон Боқӣ Раҳимзода ва саҳми боризи ӯро дар рушди адабиёт нишон медиҳанд.
Дар гӯшаи авввали намоиш аксҳои иштироки Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи бинои Ҷамоати ба номи Боқӣ Раҳимзода дар ноҳияи Рашт аз 13 сентябри соли 2024 гузошта шудаанд. Ҳамзамон дар назди идораи ҷамоат осорхонаи шоир Боқӣ Раҳимзода сохта ва нимпайкараи шоир гузошта шудааст, ки ҳар нафар метавонад бо намунаи ашъор ва зиндагиномаи шоири зиндаёд шинос шавад.
Дар қисмати навбатии намоиш асари рассоми машҳури Тоҷикистон Иван Лисиков гузошта шудааст. Асар соли 1984 эҷод ва аз ҷониби муаллиф «Дӯстон» номгузорӣ шудааст. Муаллиф бо маҳорати хоссаи рассомӣ чеҳраи дӯстони асил Боқӣ Раҳимзода ва Мирзо Турсунзодаро ба тасвир кашидааст. Ин асар яке аз мусаввараҳои нодири Осорхонаи миллӣ мебошад.
Асари дигари ба намоишгузошта низ ба эҷодиёти рассоми чеҳранигор Иван Лисиков мутааллиқ буда, «Симои Боқӣ Раҳимзода» ном дорад. Рассом чеҳраи файзбори устодро соли 1970 тасвир намудааст.
Ёдовар мешавем, ки 115-солагии Шоири халқии Тоҷикистон Боқӣ Раҳимзода дар асоси Амри Президенти Ҷумҳурии Тоҷикистон, ки аз 2 январи соли 2025 тасдиқ гардидааст, баргузор шуд.
АКС: Осорхонаи миллии Тоҷикистон
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
