ЭЪЛОНИ ОЗМУНИ АКСҲО. «Рамзи дӯстии Чин ва Тоҷикистон- бинои Ҳукумат ва бинои Парлумони Тоҷикистон»
ДУШАНБЕ, 07.05.2025 /АМИТ «Ховар»/. Сафорати Ҷумҳурии Мардумии Чин дар Ҷумҳурии Тоҷикистон дар якҷоягӣ бо Агентии миллии иттилоотии Тоҷикистон «Ховар» таҳти унвони «Рамзи дӯстии Чин ва Тоҷикистон – бинои Ҳукумат ва бинои Парлумони Тоҷикистон» озмуни аксҳо эълон менамояд.
Моҳи июли соли 2024 дар шаҳри Душанбе бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин бо мусоидати Ҳукумати Ҷумҳурии Тоҷикистон маросими ботантанаи ифтитоҳи маҷмааи биноҳои Парлумон ва Ҳукумати Ҷумҳурии Тоҷикистон, ки бо кумаки бебозгашти Чин бунёд карда шудаанд, баргузор гардид.
Бахшида ба ин рӯйдоди муҳим озмуни аксҳо гузаронида мешавад, ки барои иштирок дар он тамоми шаҳрвандони Тоҷикистон даъват мегарданд.
Муҳлати баргузорӣ:
Қабули дархостҳо: аз лаҳзаи кунунӣ то 2 июни соли 2025.
Баҳодиҳии корҳо: нимаи аввали моҳи июни соли 2025.
Маросими супоридани ҷоиза: нимаи моҳи июни соли 2025.
Шартҳои иштирок:
Дар он тамоми шаҳрвандони Ҷумҳурии Тоҷикистон иштирок карда метавонанд.
Ба ҳар иштирокчӣ иҷозат дода мешавад, ки то 3 кор (як акс ё силсилааксҳои дорои то 5 тасвир)-ро пешниҳод намояд.
Файлҳо бояд дар шакли JPG/JPEG, андозаи аз 3 то 15 МБ, бо ҳадди ақалли 300 dpi бошанд.
Аксҳо бояд аслӣ, бе истифодаи зеҳни сунъӣ гирифташуда, бе логотип, нишони обӣ ё таблиғи пинҳонӣ бошанд.
Мавзуи асарҳо: зебоии меъморӣ, тағйироти мавсимӣ, эҳсосоти тамошобинон, дӯстии Чин ва Тоҷикистон.
Пешниҳоди дархостҳо:
Барои ҳар кор шумо бояд унвон ва тавсиф (то 200 калима) пешниҳод намоед.
Шумо метавонед мақолаеро дар бораи таърихи аксҳо замима кунед.
Мукофотҳо:
Ҷойи 1 1 нафар Диплом ва 10 000 сомонӣ
Ҷойи 2 3 нафар Диплом ва 5000 сомонӣ
Ҷойи 3 6 нафар Диплом ва 3000 сомонӣ
Мукофоти фахрӣ 20 нафар Диплом ва армуғонҳои чинӣ
Ба ҳамаи иштирокчиён шаҳодатномаҳои Сафорати Чин дар Тоҷикистон дода мешаванд. Ғолибони ҷойҳои 1-3-юм ба маросими ботантанаи ҷоизасупорӣ даъват карда мешаванд.
Барои иштирок кори худро ба почтаи электронии chinaemb_tj@mfa.gov.cn фиристед.
Тафсилотро дар бораи озмун, шартҳо ва анкета дар ин манбаъ пайдо намудан мумкин аст.
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
