Фонди ОПЕК маблағгузории лоиҳаҳои муҳими Тоҷикистонро идома медиҳад
ДУШАНБЕ, 21.05.2025 /АМИТ «Ховар»/. Дар доираи ҷаласаи солонаи Гурӯҳи Бонки исломии рушд, ки аз 19 то 22 майи соли равон дар шаҳри Алҷазоир баргузор мегардад, 20 май вохӯрии ҳайати Ҷумҳурии Тоҷикистон таҳти роҳбарии Вазири рушди иқтисод ва савдо, мудири кишварии Бонки исломии рушд (БИР) аз Ҷумҳурии Тоҷикистон Завқӣ Завқизода бо Директори кулли Фонди давлатҳои содиркунандаи нафт барои рушди байналмилалӣ (ОПЕК) доктор Абдулҳамид Алхалифа баргузор гардид. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Зимни вохӯрӣ ҷонибҳо ҷараёни иҷрои супоришҳоро аз натиҷаи вохӯрии сатҳи олии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Директори кулли Фонди ОПЕК барои рушди байналмилалӣ аз 20 декабри соли 2023 ва мувофиқаҳои бадастомадаро вобаста ба лоиҳаҳои афзалиятноки мамлакат пайгирӣ намуданд. Ҳамзамон татбиқи лоиҳаҳои амалкунандаро дар соҳаҳои иқтисоди миллӣ, бахусус инфрасохтор, энергетикаи «сабз», соҳаи иҷтимоӣ ва тағйирёбии иқлим мавриди муҳокима қарор доданд.
Завқӣ Завқизода саҳми Фонди давлатҳои содиркунандаи нафт барои рушди байналмилалиро дар татбиқи лоиҳаҳои афзалиятноки иқтисоди миллӣ назаррас арзёбӣ карда, барои боз ҳам зиёд кардани ҳаҷми маблағгузорӣ ба соҳаҳои гуногуни иқтисодию иҷтимоӣ даъват намуд.
Доктор Абдулҳамид Алхалифа омодагии Фонди давлатҳои содиркунандаи нафт барои рушди байналмилалиро барои идомаи маблағгузорӣ ба лоиҳаҳои муҳими Тоҷикистон изҳор намуд.
Бояд гуфт, ки Фонди давлатҳои содиркунандаи нафт барои рушди байналмилалӣ аз оғози ҳамкорӣ то имрӯз ба соҳаҳои гуногуни иқтисоди миллӣ, аз ҷумла роҳсозӣ, энергетика, тандурустӣ ва маорифи Тоҷикистон қариб 200 миллион доллар маблағгузорӣ намудааст.
АКС: Вазорати рушди иқтисод ва савдои Ҷумҳурии Тоҷикистон
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
Корхонаи тухмипарварии ноҳияи Файзобод ба кишоварзон 400 тонна тухмиҳои гуногуни картошка пешниҳод намуд
Дар шаҳри Душанбе намоишгоҳи ҷойҳои кории холӣ баргузор карда шуд
Дар ноҳияи Восеъ ҷамъоварии ҳосили гандум идома дорад
Ифтитоҳи хатсайри Душанбе-Пекин қадами стратегӣ дар самти дастгирии ташаббуси «Як камарбанд – як роҳ» мебошад
Гурӯҳи кории муштараки Тоҷикистону Чин оид ба зеҳни сунъӣ таъсис дода мешавад
Дар Суғд дар мавзуи ҳамкории фаромарзӣ дар соҳаи об машғулияти омӯзишӣ гузаронида шуд
