Лигаи футболи занонаи Тоҷикистон бо иштирокчиёни мусобиқаҳо ҷаласаи васеъ доир намуд

Май 13, 2025 10:17

ДУШАНБЕ, 13.05.2025 /АМИТ «Ховар»/. Дар остонаи оғози мавсими нави мусобиқаҳои Лигаи футболи занонаи  Тоҷикистон дар дафтари Федератсияи футболи Тоҷикистон бо намояндагон ва мураббиёни дастаҳо ҷаласаи васеъ баргузор гардид.

Тавре ба АМИТ «Ховар» аз Федератсияи футболи Тоҷикистон хабар доданд, дар вохӯрӣ директори Лигаи футболи занонаи Тоҷикистон Суҳроб Ашӯров ба дастаҳо оид ба шакли баргузории мусобиқоти мавсими нав маълумот дод.

Даҳ дастаи занона, ки ба ду гурӯҳ тақсим шудаанд, дар чемпионати ҳаштуми Тоҷикистон барои медалҳо мубориза мебаранд. Бозиҳо дар чор марҳила баргузор мешаванд. Аз ҳар гурӯҳ се даста ба қисми ниҳоии чемпионат роҳхат мегиранд.

Дар чемпионати Тоҷикистон байни духтарони то 17-сола 15 даста, ки се гурӯҳро ташкил медиҳанд, иштирок менамоянд. Дар марҳилаи аввал дастаҳо дар се давр бозӣ мекунанд. Ғолибони гурӯҳ ва беҳтарин дастаи зинаи дуюм ба қисми ниҳоии чемпионат роҳ меёбанд.

Дар гурӯҳи хурдтарин – чемпионати Тоҷикистон байни духтарони то 15-сола 20 даста ба панҷ гурӯҳ тақсим шуд. Ғолибони панҷ гурӯҳ, инчунин беҳтарин тими ҷойи дуюм ба қисми ниҳоии чемпионат мебароянд.

Мавсими нави мусобиқаҳои Лигаи футболи занонаи Тоҷикистон моҳи май оғоз шуда, моҳи ноябр ҷамъбаст мегардад.

АКС: Федератсияи футболи Тоҷикистон

Май 13, 2025 10:17

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад