Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
ДУШАНБЕ, 30.05.2025. /АМИТ «Ховар»/. Табодули донишҷӯён ва омӯзгорон, тақвияти ҳамкорӣ байни муассисаҳои таҳсилоти олӣ, истифодаи зеҳни сунъӣ (AI) дар раванди таълим ва дигар масъалаҳои самти маориф 29 май зимни вохӯрии Вазири маориф ва илми Ҷумҳурии Тоҷикистон Раҳим Саидзода бо Вазири таҳсилоти олӣ ва касбӣ, инноватсия, илм ва рушди технологияи Ҷумҳурии Зимбабве Фредерик Шава мавриди баррасӣ қарор дода шуд.
Тавре аз Вазорати маориф ва илми Ҷумҳурии Тоҷикистон ба АМИТ «Ховар» иттилоъ доданд, дар ҷараёни вохӯрӣ ҷонибҳо доир ба масоили рушди таҳсилоти олӣ ва касбӣ, густариши робитаҳои илмӣ, табодули таҷриба ва иқдоми инноватсионӣ дар низоми маориф мубодилаи афкор намуданд.
Ҷонибҳо барои рушди ҳамкории дуҷониба дар самтҳои муҳим изҳори омодагӣ намуда, ба зарурати истифодаи таҷрибаи пешқадам ва ҳамгироии технологияҳои муосир дар низоми таълим таъкид карданд.
Фредерик Шава таваҷҷуҳи ҷиддии Ҷумҳурии Зимбабверо ба истифодаи технологияҳои рақамӣ ва табодули таҷрибаи илмӣ таъкид намуда, омодагии давлаташро барои таҳияи барномаҳои муштарак, даъвати донишҷӯён ва олимони тоҷик ба форумҳои илмӣ ва ташкили лоиҳаҳои муштарак иброз дошт.
АКС: Вазорати маориф ва илми Ҷумҳурии Тоҷикистон
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
