Нахустин Анҷумани вазирони фарҳанги давлатҳои Созмони ҳамкории исломӣ баргузор гардид
ДУШАНБЕ, 16.05.2025. /АМИТ «Ховар»/. Аз 13 то 18 май дар шаҳри Қазон дар доираи Форуми XVI байналмилалии иқтисодӣ таҳти унвони «Русия – Ҷаҳони ислом: KazanForum», нахустин Анҷумани вазирони фарҳанги давлатҳои Созмони ҳамкории исломӣ баргузор гардид.
Тавре ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд, дар форум намояндагони Федератсияи Русия, Тоҷикистон, Озарбойҷон, Баҳрайн, Гвинея-Бисау, Индонезия, Эрон, Қазоқистон, Мавритания, Аморати Муттаҳидаи Араб, Уммон, Покистон, Фаластин, Арабистони Саудӣ, инчунин роҳбарияти Созмони ҳамкории исломӣ, Созмони исломии илм ва дигар давлатҳо иштирок намуданд.
Дар форум масъалаи муколамаи фарҳангҳо ҳамчун пояи ҳифзи ҳувият ва гуногунии фарҳангӣ мавриди баррасӣ қарор гирифт.
Муовини Вазири фарҳанги Ҷумҳурии Тоҷикистон Манучеҳр Шарифзода иброз намуд, ки Анҷумани вазирони фарҳанги давлатҳои Созмони ҳамкории исломӣ майдони муҳими мубодилаи таҷриба ва барқарорсозии робитаҳои нави фарҳангӣ мебошад.
«Тоҷикистон, ки дар масири таърихии Роҳи Абрешим ҷойгир аст, асрҳо боз ҳамчун пули байни тамаддунҳо хизмат кардааст. Он имрӯз низ ин анъанаро идома дода, таҳаммулпазирӣ ва ҳамдигарфаҳмиро ташвиқ менамояд», — гуфт Манучеҳр Шарифзода.
Намояндагони Вазорати фарҳанги Ҷумҳурии Тоҷикистон ҳамчунин доир ба ҳамгироии фарҳангҳо, ҳифзи мероси фарҳангӣ, таҳияи барномаҳои мубодилаи байнифарҳангӣ ва муколамаи фарҳангҳо, дастгирии соҳаи эҷодиёт ва ҳамгироии фарҳанг ба муҳити рақамӣ, таҳияи низоми идоракунии барномавӣ-ҳадафманд дар соҳаи фарҳанг, инчунин таъсиси заминаи ҳуқуқии тиҷоратисозии моликияти зеҳнӣ ва равандҳои инноватсионӣ пешниҳодҳояшонро манзур намуданд.
Намояндагони Вазорати фарҳанги Ҷумҳурии Тоҷикистон дар ҷараёни мулоқот бо ҳамтоёнашон масъалаҳои ҳамкорӣ, тавсеаи мубодилаи фарҳангӣ ва таҳияи лоиҳаҳои муштаракро дар самти истифодаи технологияҳои рақамӣ барои таблиғи мероси фарҳангӣ муҳокима намуданд.
АКС: Вазорати фарҳанги Ҷумҳурии Тоҷикистон
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар Китобхонаи миллии Тоҷикистон дар мавзуи «Дастнависҳо – мероси фарҳангии миллат» ҳамоиши илмӣ-маърифатӣ доир шуд
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
