«НИДОИ ЛОЗУР». Таҳти чунин унвон Форуми пиряхҳо ва барномаи фарҳангӣ баргузор мегардад
ДУШАНБЕ, 14.05.2025. /АМИТ «Ховар»/. 29 май дар Майдони шаршараи назди «Наврӯзгоҳ»-и пойтахт дар доираи Конфронси байналмилалии сатҳи баланд оид ба ҳифзи пиряхҳо таҳти унвони «Нидои лозур» Форуми пиряхҳо баргузор мегардад. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Дар Форуми пиряхҳо намоишгоҳи ҳунарҳои миллӣ ташкил мегардад, ки дар он маҳсули дасти ҳунармандон, аз ҷумла гулдӯзӣ, попурдӯзӣ, зардӯзӣ, ҷомаву тоқидӯзӣ, заргарӣ, сабадбофӣ, кулолгарӣ, гаҳворасозӣ, маҳсулоти чӯбӣ, маҳсулоти нонӣ ва таомҳои миллӣ ба маърази тамошо гузошта мешаванд. Инчунин ҳунарҳои мардумӣ ва ҳунарҳои ороишӣ-амалии ҳунармандони тоҷик — аз қолинбофӣ то заргарӣ пешниҳод мегарданд.
Ҳамчунин барномаи фарҳангӣ иборат аз оҳангу рақсҳои тоҷикӣ дар иҷрои ҳунармандон пешниҳод мешавад.
Дар доираи Конфронси байналмилалии сатҳи баланд оид ба ҳифзи пиряхҳо баргузор намудани ин намоиш ва барномаи фарҳангӣ муаррифии фарҳанг ва таърихи миллати тоҷик ба ҷаҳониён мебошад.
Ёдовар мешавем, ки аз 29 то 31 май дар доираи ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон дар масъалаи об ва иқлим дар шаҳри Душанбе Конфронси байналмилалии сатҳи баланд оид ба ҳифзи пиряхҳо гузаронида мешавад.
АКС: АМИТ «Ховар»
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Намояндаи Тоҷикистон ба ҳайси раиси Мақомоти ёрирасон ҷиҳати татбиқи Конвенсияи СММ оид ба гуногунии биологӣ интихоб гардид
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
Доир ба таъриху фарҳанги Кӯшониён конфронси ҷумҳуриявӣ баргузор шуд
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
