Ноиби аввали Раиси Ҷумҳурии Исломии Эрон бо сафари расмӣ ба Ҷумҳурии Тоҷикистон ташриф овард
ДУШАНБЕ, 29.05.2025 /АМИТ «Ховар»/. Имрӯз, 29 май ноиби аввали Раиси Ҷумҳурии Исломии Эрон Муҳаммадризо Ориф бо сафари расмӣ ба Ҷумҳурии Тоҷикистон ташриф овард.
Дар Фурудгоҳи байналмилалии Душанбе меҳмони олиқадрро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Дар ҷараёни сафари расмӣ мулоқоти хоссаи Сарвазири Ҷумҳурии Тоҷикистон Қоҳир Расулзода бо ноиби аввали Раиси Ҷумҳурии Исломии Эрон Муҳаммадризо Ориф баргузор мешавад.
Баъдан музокироти васеи ҳайатҳои расмии ду давлат баргузор гардида, дар он масъалаҳои муҳими ҳамкории дуҷониба мавриди баррасӣ қарор мегиранд. Дар анҷоми музокирот имзои якчанд санади ҳамкорӣ дар назар аст.
Ҳамчунин меҳмони олиқадр ба корхонаи «ТАЛКО Кабел» рафта, бо фаъолияти истеҳсолии он шинос мешавад.
Интизор меравад, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Муҳаммадризо Орифро ба ҳузур пазиранд.
Инчунин 30 май ноиби аввали Раиси Ҷумҳурии Исломии Эрон Муҳаммадризо Ориф дар Конфронси байналмилалии сатҳи баланд оид ба ҳифзи пиряхҳо иштирок намуда, бо роҳбарони ҳайатҳои иштирокдори конфронс мулоқотҳои дуҷониба анҷом медиҳад.
Дар идомаи сафар ноиби аввали Раиси Ҷумҳурии Исломии Эрон Осорхонаи миллии Тоҷикистонро тамошо менамояд.
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Дар вилояти Чунчонбукдои Корея густариши ҳамкорӣ ва муаррифии имкониятҳои Тоҷикистон баррасӣ гардид
Ҳайати Тоҷикистон дар ҷаласаи 73-юми Конфронси оморчиёни аврупоии Комиссияи иқтисодии СММ барои Аврупо иштирок намуд
Сафири Тоҷикистон бо директори генералии Мақомоти фарҳанг ва сайёҳии Аморати Абу Забӣ мулоқот намуд
Дар ҷаласаи солонаи Шурои иҷроияи ЮНИСЕФ масъалаҳои муҳими стратегӣ баррасӣ гардид
