Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
ДУШАНБЕ, 31.05.2025. /АМИТ «Ховар»/. «Ман бори аввал ба Тоҷикистон омадам. Маро зебоӣ, табиати пойтахтатон ва меҳмоннавозӣ ба ҳайрат оварданд. Ҳар куҷое, ки мо мерафтем, ба мо бо лаҳни ширин ва чеҳраи хандон «хуш омадед» мегуфтанд, ки ба мо писанд омад», — чунин иброз намуд зимни суҳбат бо хабарнигори АМИТ «Ховар» рӯзноманигори телевизиони Покистон оид ба барномаҳои англисӣ Султон Ҷамшед.
Номбурда иброз намуд, ки «омодагӣ ва баргузории Конфронси байналмилалии сатҳи баланд оид ба ҳифзи пиряхҳо аз ҷониби Ҷумҳурии Тоҷикистон дар сатҳи баланд доир мешавад. Дар ин конфронс 4 рӯзноманигори покистонӣ иштирок дорад. Барои мо шароити мусоид ва муҳити хуби эҷодӣ барои инъикоси саривақтии ҷараёни конфронс аз ҷониби Ҳукумати Тоҷикистон муҳайё гардидааст».
Бояд гуфт, ки 30 май зимни суханронӣ Сарвазири Ҷумҳурии Исломии Покистон Шаҳбоз Шариф дар оғози кори Конфронси байналмилалии сатҳи баланд оид ба ҳифзи пиряхҳо изҳор дошт, ки пиряхҳо тақрибан нисфи ҷараёни солонаи обро дар системаи дарёии ин давлат таъмин менамоянд, ки он такягоҳи тамаддун, фарҳанг ва иқтисоди миллии Покистон мебошад. «Панҷоб- дарёи бузурги Покистон симои ҷуғрофии давлати мост, ки дар он шакл мегирад. Устувории системаи пиряхҳо ба устувории мардум вобаста аст. Ин ҳолат Покистонро ба яке аз давлатҳои хеле осебпазир нисбат ба тағйирёбии иқлим табдил додааст».
Дар робита ба ин рӯзноманигори покистонӣ иброз медорад, ки Ҷумҳурии Исломии Покистон ба масъулияти муштарак ва иқдоми ҳамгиро боварӣ дорад. Ӯ чунин мешуморад, ки давлатҳо бояд дар якҷоягӣ пайомадҳои номатлуби тағйирёбии иқлимро амалӣ намоянд.
«Покистон таъсири обшавии пиряхҳоро аз наздик эҳсос намудааст. Соли 2022 обхезии шадид рӯй дод, ки қисмати зиёди мамлакатро фаро гирифт. Фаъолияти деҳқонон аз байн рафт, садҳо ҳазор хонаҳо вайрон гардид, инфрасохторҳо зарари ҷиддӣ диданд, ки ин ҳама бар асари тағйироти иқлим аст. Ба ин хотир низ имрӯзҳо ҷамъ омадан ва баррасии ин мушкилоти глобалӣ ташаббуси муҳим ва саривақтист, ки аз он мо хеле истиқбол менамоем», — гуфт Султон Ҷамшед.
Шаҳлои САДРИДДИН,
АМИТ «Ховар»,
АКС: АМИТ «Ховар»
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
