Вобаста ба ташаббусҳои байналмилалии Тоҷикистон дар самти ҳифзи пиряхҳо конференсия баргузор гардид
ДУШАНБЕ, 21.05.2025. /АМИТ «Ховар»/. Бахшида ба Соли байналмилалии ҳифзи пиряхҳо (2025) дар Донишгоҳи давлатии ҳуқуқ, бизнес ва сиёсати Тоҷикистон таҳти унвони «Тоҷикистон – давлати ташаббускор дар ҳалли муаммоҳои байналмилалӣ» конференсияи илмӣ-назариявӣ баргузор гардид.
Тавре ба АМИТ «Ховар» аз ин донишгоҳ иттилоъ доданд, зимни конференсияи илмӣ-назариявӣ иброз гардид, ки Президенти Ҷумҳурии Тоҷикистон муҳтарам Эмомалӣ Раҳмон дар ҷаласаҳои байналмилалӣ пайваста масъалаи обшавии пиряхҳо ва таъсири тағйирёбии иқлимро ба миён мегузоранд. Қатъномаи Созмони Милали Муттаҳид оид ба Соли байналмилалии ҳифзи пиряхҳо, ки бо пуштибонии беш аз 150 давлати ҷаҳон қабул гардид, натиҷаи ин талошҳои пайгирона мебошад.
Зимни ҳамоиш муовини ректор оид ба илм ва инноватсия, доктори илмҳои иқтисодӣ, профессор Даврон Бобоҷониён аҳаммияти ташаббусҳои байналмилалии Тоҷикистон, махсусан дар самти ҳифзи захираҳои об ва пиряхҳоро таъкид намуд.
«Давоми даҳсолаҳои охир обшавии босуръати пиряхҳо таҳти таъсири тағйирёбии иқлим ба таҳдиди глобалии сайёра табдил ёфтааст. Тибқи пешгӯиҳои коршиносон, дар шароити тағйирёбандаи иқлим дар охири асри XXI сеяки пиряхҳои кураи Замин аз байн мераванд. Обшавии пиряхҳо мувозинати экологиро вайрон намуда, барои гардиши об дар сайёраи мо таҳдидҳои ҷиддӣ эҷод менамояд. Бинобар ин иштирокдорон ташаббуси навбатии Тоҷикистонро дар масъалаи мавриди назар саривақтӣ ва манфиатовар дониста, иброз доштанд, ки ин иқдом барои рушди ҳамкории тарафҳои манфиатдор заминаи муносиб фароҳам меорад»,-иброз намуд профессор Даврон Бобоҷониён.
Маърузаҳо ба таҳлили паҳлуҳои мухталифи масъалаи ҳифзи муҳити зист, пайомадҳои тағйирёбии иқлим ва нақши Тоҷикистон дар ҷалби ҷомеаи ҷаҳонӣ ба ҳалли ин мушкилот бахшида шуда, дар зимн муҳокимаҳои судманд доир шуданд.
АКС: Донишгоҳи давлатии ҳуқуқ, бизнес ва сиёсати Тоҷикистон
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
