35-СОЛАГИИ ИСТИҚЛОЛИ ДАВЛАТӢ. Дар 25 иншооти ҷашнии ноҳияи Тоҷикобод корҳои сохтмонӣ идома доранд
ДУШАНБЕ, 10.06.2025 /АМИТ «Ховар»/. Бахшида ба 35-солагии Истиқлоли давлатӣ дар ноҳияи Тоҷикобод сохтмони 101 иншоот ба нақша гирифта шудааст, ки то имрӯз 64 адади он ба истифода дода шуда, дар 25 иншоот корҳои сохтмонӣ идома доранд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Тоҷикобод иттилоъ медиҳад.
Иншооти ҷашнӣ аз 8 корхонаҳои саноатӣ, 7 муассисаи соҳаи маориф, 14 муассисаи тандурустӣ, фарҳанг 3, варзиш 3, сайёҳӣ 2, кишоварзӣ 5, барқ- 3, 2 хонаҳои истиқоматӣ, 2 бинои маъмурӣ, 7 иқдоми марбут ба таъмири роҳҳо, 45 иншоот ба дигар бахшҳо иборат мебошад.
Бояд гуфт, ки ҳанӯз аз оғози даврони соҳибистиқлолӣ Ҳукумати мамлакат дастгирии пайваста ва рушди ҳамаҷонибаи ноҳияҳои дурдасти кӯҳистонро самти афзалиятноки фаъолият эълон карда, давоми 34 соли гузашта дар ин самт тамоми тадбирҳои заруриро амалӣ намуд.
Аз ҷумла, дар солҳои соҳибистиқлолӣ ба таъмин намудани рушди устувори соҳаҳои мухталифи иқтисодиёт ва баланд бардоштани сатҳи некӯаҳволии сокинони ноҳияи Тоҷикобод аз ҳисоби ҳамаи сарчашмаҳои маблағгузорӣ беш аз 1 миллиард сомонӣ равона карда шуд.
Илова бар ин, дар ин давра барои пӯшонидани хароҷоти буҷети ноҳия ва маблағгузории соҳаҳои иҷтимоиву иқтисодии он аз ҳисоби буҷети ҷумҳуриявӣ зиёда аз 400 миллион сомонӣ маблағҳои мақсаднок равона карда шудааст.
Ёдовар мешавем, ки дар замони соҳибистиқлолӣ дар ноҳияи Тоҷикобод 13 лоиҳаи сармоягузории давлатӣ ба маблағи 400 миллион сомонӣ амалӣ гардида, ҳоло татбиқи боз 5 лоиҳаи дигар идома дорад. Ҳамзамон бо мақсади баланд бардоштани сатҳу сифати зиндагии мардум «Барномаи рушди иҷтимоиву иқтисодии ноҳияи Тоҷикобод барои солҳои 2021 – 2025» амалӣ мешавад, ки дар асоси он татбиқи 196 лоиҳа ба маблағи умумии 139 миллион сомонӣ пешбинӣ гардидааст.
АКС: АМИТ «Ховар»
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
