Абдусалом Назаров дар боғаш 12 навъи зардолу парвариш менамояд

ДУШАНБЕ, 15.06.2025. /АМИТ «Ховар»/. Боғпарвари Ҷамоати деҳоти Золи Зари ноҳияи Ҷалолиддини Балхӣ, роҳбари хоҷагии деҳқонии «Назаров А» Абдусалом Назаров дар боғи худ, ки беш аз 5 гектарро ташкил медиҳад, 12 навъи зардолу парвариш менамояд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ҷалолиддини Балхӣ иттилоъ медиҳад.

Абдусалом Назаров боғпарвари кӯҳансол ва таҷрибадоре мебошад, ки тамоми умри хешро ба парвариши мева бахшидааст.

Ҳар сол аз боғи худ ба давлатҳои Русия ва Қазоқистон меваи шафтолу содирот менамояд. Инчунин корхонаҳои «Оби зулол» ва «Зевар»-и шаҳри Истаравшанро бо шафтолуи тару тоза таъмин менамояд.

Имсол Абдусалом Назаров дар 80 садяк замин зардолуи навъи «Лора» парвариш намудааст.

Хоҷагии деҳқонии «Назаров А» дар таъмини бозори дохилии мамлакат бо меваи тару тоза ва баланд бардоштани иқтидори содиротии мамлакат саҳми босазо дорад. Соли гузашта ҳосили фаровон ба даст овара буд. Имсол низ дар боғ ҳосил фаровон буда, нақша дорад, ки бо таъмини бозори истеъмоли мамлакат, ба хориҷи мамлакат низ мева содирот намояд.

АКС: Мақомоти иҷроияи ҳокимияти давлатии ноҳияи Ҷалолиддини Балхӣ