Ҷаласаи 11-уми Шуро оид ба сиёсати саноатии кишварҳои аъзои Иттиҳоди Давлатҳои Мустақил ба кори худ оғоз намуд
ДУШАНБЕ, 04.06.2025 /АМИТ «Ховар»/. Имрӯз дар шаҳри Душанбе ҷаласаи 11-уми Шуро оид ба сиёсати саноатии кишварҳои аъзои Иттиҳоди Давлатҳои Мустақил (ИДМ) ба кори худ шуруъ намуда, вохӯрии якуми машваратии вазирони саноати кишварҳои Осиёи Марказӣ баргузор мешавад, иттилоъ медиҳад хабарнигори АМИТ «Ховар».
Ин чорабинӣ дар чаҳорчӯби раёсати Тоҷикистон дар Иттиҳоди Давлатҳои Мустақил баргузор мегардад. Дар ҷаласа роҳбарони вазоратҳои соҳавии Арманистон, Беларус, Қазоқистон, Қирғизистон, Русия, Тоҷикистон, Туркманистон ва Узбекистон иштирок доранд. Ҳамзамон роҳбарони 5 мактаби олӣ — ташкилотҳои заминавии давлатҳои Иттиҳод оид ба тайёр кардан, бозомузии касбӣ ва такмили ихтисоси кадрҳои соҳаҳои гуногуни саноат низ иштирок доранд. Ҷаласаи Шуро ва ҷаласаи машваратӣ таҳти раёсати Вазири саноат ва технологияҳои нави Ҷумҳурии Тоҷикистон Шералӣ Кабир баргузор мешаванд.
Бояд ёдовар шуд, ки дар Консепсияи раёсати Ҷумҳурии Тоҷикистон дар Иттиҳоди Давлатҳои Мустақил дар соли 2025, ки аз ҷониби Президенти Ҷумҳурии Тоҷикистон муҳтарам Эмомалӣ Раҳмон тасдиқ гардидааст, ба мавзуи ҳамкорӣ дар соҳаи саноат афзалият дода шудааст.
Рӯзномаи ҷаласаи Шуро оид ба сиёсати саноатии ИДМ масъалаҳои муҳими ҳамкории мутақобила дар рушди шарикии саноатӣ ва ҳамкорӣ, аз ҷумла дар соҳаи истеҳсоли маҳсулоти пешрафта барои соҳаҳои технологӣ, гузариши рақамии соҳаи комплекси саноати кӯҳӣ, металлургӣ ва кимиёи кишварҳои аъзои ИДМ, масъалаҳои татбиқи созишномаҳо оид ба рушди ҳамкории киштисозии шаҳрвандӣ, инчунин дар соҳаи саноати нафту газ, кимиё ва мошинсозиро дар бар мегирад.
Аз рӯйи натиҷаи ҷаласа имзои санади ниҳоӣ дар назар аст.
Ёдовар мешавем, ки дар шаҳри Душанбе баргузории нахустин вохӯрии машваратии вазирони саноати кишварҳои Осиёи Марказӣ бо пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни Вохӯрии машваратии сарони давлатҳои Осиёи Марказӣ, ки 9 августи соли 2024 дар шаҳри Остона баргузор гардида буд, доир мешавад.
Марзия САИДЗОДА,
АМИТ «Ховар»
АКС: АМИТ «Ховар»
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
