Дар Донишгоҳи давлатии Кӯлоб таваҷҷуҳ ба таҳияи корҳои илмӣ меафзояд
ДУШАНБЕ, 10.06.2025. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ дастгирии ҳамаҷонибад аз ташаббусҳои илмии муҳаққиқон ҳамеша мавриди таваҷҷуҳ аст ва ҳар як докторант бояд аз ин имкониятҳои фароҳамгардида истифодаи самаранок намояд. Ин матлаб 9 июн зимни ҳамоише, ки дар ин донишгоҳ бо мақсади ҳавасмандсозии муҳаққиқони ҷавон ва муайянсозии вазъи иҷрои корҳои илмӣ-таҳқиқотӣ дар соли таҳсили 2024–2025 баргузор шуд, баён гардид.
Ректори донишгоҳ Мунир Сафарзода иброз намуд, ки тибқи супоришҳои Президенти Ҷумҳурии Тоҷикистон муҳтарам Эмомалӣ Раҳмон, омода намудани кадрҳои соҳибтахассуси дорои унвони илмӣ дар муассисаҳои таҳсилоти олии касбӣ яке аз самтҳои афзалиятнок ва калидии сиёсати давлатӣ ба шумор меравад. Зеро маҳз мутахассисони дорои малакаҳои баланди илмӣ метавонанд дар рушди илму маориф, таҳкими иқтидори зеҳнии ҷомеа ва амалӣ гардидани ҳадафҳои стратегии мамлкат саҳми назаррас гузоранд.
Ҳамчунин дар ҷараёни ҳамоиш иттилоъ дода шуд, ки ба низомномаи Комиссияи олии аттестатсионӣ (КОА) тағйирот ворид гардидааст. Бо назардошти тағйирот ва навгониҳои воридгардида ҳар як муҳаққиқ бояд тарзи омодасозии рисола, мақолаҳои илмӣ ва дигар фаъолиятҳои илмиро бо риояи талаботи низомномаи нав анҷом диҳад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ба радифи донишгоҳҳои беҳтарини ҷаҳон дохил гардид
Дар Донишгоҳи давлатии Хуҷанд 24 ихтисоси нав таъсис ёфт
