Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
ДУШАНБЕ, 25.06.2025 /АМИТ «Ховар»/. Бо ташаббуси Мақомоти иҷроияи ҳокимияти давлатии ноҳияи Абдураҳмони Ҷомӣ 28-солагии Рӯзи Ваҳдати миллӣ бо баргузории намоиши ҳунарҳои мардумӣ ва дастовардҳои ноҳия дар солҳои соҳибистиқлолӣ ҷашн гирифта шуд. Дар ҳамоише, ки ба ин муносибат доир гардид, иштирокдорон тамоми ободию пешрафии мамлакатро самари пойдории Ваҳдати миллӣ ва қаҳрамониҳои меъмори он – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон арзёбӣ намуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Абдураҳмони Ҷомӣ хабар доданд.
Дар ҳамоиш Раиси ноҳия Маҳмуд Амирзода иброз дошт, ки «таърихи на чандон дури кишвари мо гувоҳ аст, ки сулҳу ваҳдат дар сарзамини мо ба осонӣ ба даст наомадааст. Ваҳдати миллӣ қиматтарин неъмат аст, ки ба мардуми инсондӯсту сулҳпарвари тоҷик дар натиҷаи ҷонисориҳои бемисл ва сиёсати дурандешонаи Пешвои миллат муҳтарам Эмомалӣ Раҳмон муяссар гардидааст».
«Мо — тоҷикону тоҷикистониён, махсусан кормандони мақомоти иҷроияи ҳокимияти давлатӣ бояд дар атрофи Сарвари дурандеши худ муттаҳид шуда, бо хизмати софдилонаю содиқона ва дасту дили пок ваҳдати миллиро таҳким бахшида, дар ободии Ватан саҳми назаррас гузорем»,- афзуд Раиси ноҳия.
Иштирокдорони ҳамоиш ҳамчунин иброз доштанд, ки ҳазорҳо шукр бояд кард, ки мо дар Ватани ободу зебо ва орому осуда умр ба сар мебарем. Тавре мушоҳида мешавад, рӯзҳои охир дар қитъаҳои гуногуни олам муноқишаҳо торафт шиддат мегиранд. Садҳо одамон ба ҳалокат мерасанд, шаҳрҳои обод хароб мегарданд. Оқибати ҳама гуна ҷанг ҷуз харобию ҳисорот ва талафоти ҷонӣ чизи дигаре ба бор намеорад.
«Моро зарур аст, ки ин неъмати бузург – кафолати зиндагии шоиста ва пурсаодатро бояд пойдор нигоҳ бидорем. Ин танҳо дар мавриде ба мо даст медиҳад, ки аз як гиребон сар барорем ва дар атрофи Роҳбари давлати худ муҳтарам Эмомалӣ Раҳмон муттаҳид бошем»,- таъкид намуданд онҳо.
АКС: Мақомоти иҷроияи ҳокимияти давлатии ноҳияи Абдураҳмони Ҷомӣ
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
