Дар шаҳри Истаравшан сохтмони зиёда аз 20 иншооти соҳаи маориф идома дорад

ДУШАНБЕ, 30.06.2025. /АМИТ «Ховар»/. Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон  дар шаҳри Истаравшан сохтмони 23 иншоот соҳаи маориф, ки наздик 20 ҳазор ҷойи нишаст дорад, идома дорад.

Тавре аз Мақомоти иҷрояи ҳокимияти давлатии шаҳри Истаравшан иттилоъ доданд,  иншоот бо мақсади иҷрои дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати муҳайёнамоии шароити мусоиди таълиму тарбияи насли наврас  бунёд мегарданд.

Аз  иншооти номбаршуда  3 муассисаи таҳсилоти миёнаи умумии нав, 4 бинои нави муассисаҳои таълимии фаъолиятдошта, 7 бинои иловагӣ дар назди муассисаҳои таълимӣ, 4 синфхонаи иловагӣ, 2 кӯдакистон, 3 толори варзишӣ, 2 майдончаи варзишӣ ва дигар иншоотҳои ёрирасон мебошад.

Иншоот бо маблағгузории Мақомоти иҷороияи ҳокимияти давлатии вилояти Суғд, шаҳри Истаравшан ва соҳибкорон сохта мешаванд.

АКС: АМИТ «Ховар»