Доир ба мавзуи навсозии сиёсати иҷтимоӣ дар Тоҷикистон конференсияи байналмилалӣ баргузор шуд
ДУШАНБЕ, 01.06.2025 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон дар мавзуи «Навсозии сиёсати иҷтимоӣ дар Ҷумҳурии Тоҷикистон: таҷрибаи байналмилалӣ ва хусусияти миллӣ» конференсияи байналмилалии илмӣ-амалӣ баргузор шуд, хабар медиҳад АМИТ «Ховар» бо истинод ба академия.
Дар конференсия намояндагони мақомоти давлатӣ, созмонҳои байналмилалӣ, пажуҳишгоҳҳои илмӣ ва муассисаҳои таҳсилоти олӣ аз Тоҷикистон, Федератсияи Русия, Беларус, Озарбойҷон, Амрико, Қирғизистон ва дигар давлатҳо иштирок намуданд.
Иштирокдорон дар бораи равандҳои сиёсати иҷтимоӣ, нақши таҳсили калонсолон, ҳифзи иҷтимоии кӯдакон, рушди иқтисоди рақамӣ ва дигар паҳлуҳои муҳим сухан намуданд.
Дар бахшҳои дигари конференсия масъалаҳои мубрами рушди устувори иҷтимоӣ, ҳамкории минтақавӣ, нақши занон, ҷавонон ва маориф дар раванди сиёсати иҷтимоӣ мавриди таҳлилу баррасӣ қарор гирифтанд.
Конференсия ҳамчун заминаи муҳими табодули дониш ва таҷриба ба баҳсҳои созанда ва ташаккули пешниҳодҳои амалӣ барои такмили сиёсати иҷтимоии ҷумҳурӣ мусоидат намуд.
АКС: Академияи идоракунии давлатии назди Президенти Ҷумҳурии Тоҷикистон
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
