Намояндаи Тоҷикистон дар Форуми панҷуми марказҳои таҳлилӣ иштирок намуд

Июнь 3, 2025 16:00

ДУШАНБЕ, 03.06.2025. /АМИТ «Ховар»/. Имрӯз дар шаҳри Остонаи Ҷумҳурии Қазоқистон Форуми панҷуми марказҳои таҳлилӣ таҳти унвони «Осиёи Марказӣ — Чин: уфуқҳои нави шарикии минтақавӣ» баргузор гардид, ки дар кори он директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода иштирок намуд. Дар ин хусус ба АМИТ «Ховар» аз хадамоти матбуоти Маркази тадқиқоти стратегӣ хабар доданд.

Ҳамоиш бо ташаббуси Институти тадқиқоти стратегии назди Президенти Ҷумҳурии Қазоқистон дар якҷоягӣ бо Институти Русия, Аврупои шарқӣ ва Осиёи Марказии Академияи илмҳои ҷамъиятии Чин доир карда шуд.

Дар рӯзномаи чорабинӣ масъалаҳои тақвияти муколамаи сиёсӣ, рушди ҳамкории судманди иқтисодӣ, тамоюли навтарин дар соҳаи технология, аз ҷумла қарорҳои рақамӣ ва «сабз» ва дигар масъалаҳои ҳамкории Осиёи Марказӣ ва Чин мавриди баррасӣ қарор гирифта, дар он роҳбарону коршиносони марказҳои илмӣ-таҳлилии кишварҳои Осиёи Марказӣ ва Чин, инчунин намояндагони доираҳои сиёсӣ ва дипломатии Қазоқистон иштирок намуданд.

Директори Маркази тадқиқоти стратегӣ Хайридин Усмонзода дар мавзуи «Муносибатҳои Осиёи Марказӣ — Чин дар шароити номуайянии стратегии ҷаҳон» маъруза намуда, изҳор дошт, ки Осиёи Марказӣ дар солҳои охир ба туфайли талошҳо баҳри таҳкими сулҳу субот ва рушди иқтисодиёт дар байни кишварҳои қитъаи Осиё симои мусбатро ба даст овардааст.

Ба гуфтаи Хайриддин Усмонзода «роҳбарони кишварҳои Осиёи Марказӣ барои дарёфти роҳу механизмҳои ҳифзи сулҳу субот дар минтақа ва рушди он пайваста талош меварзанд. Ҳамин тариқ, ҳар як кишвар тавассути таъмини рушди худ ва бо дарки комили афзалияти фарогирӣ дар муваффақияти якдигар саҳми назаррас мегузорад».

Мавсуф дар маърӯза бо таъкид ба аҳаммияти ташаббусҳои ҷаҳонии Тоҷикистон, иброз дошт, ки Ҷумҳурии Тоҷикистон пайваста ташаббусҳои ҷаҳонии худро оид ба идораи оқибатҳои тағйирёбии иқлим дастгирӣ намуда, таҳким мебахшад.

«Дар муқоиса бо дигар кишварҳо, Тоҷикистон ҳиссаи камтарини партовҳои газҳои гулхонаиро ба атмосфера доро мебошад. Барои рушди энергияи сабз дар доираи ҳадафи табдил додани Тоҷикистон ба «кишвари сабз» то соли 2037 инфрасохтори нав сохта мешавад ва дар ин самт Ҷумҳурии Тоҷикистон бо ширкатҳои чинӣ фаъолона ҳамкорӣ менамояд»,-афзуд Директори марказ.

Хайриддин Усмонзода ҳамчунин дар бораи аҳаммияти ташаббусҳои Президенти Тоҷикистон муҳтарам Эмомалӣ Раҳмон дар таъмини амнияти минтақавӣ ва ҷаҳонӣ бо ВАО-и Қазоқистон мусоҳиба намуд.

АКС: Хадамоти матбуотии Маркази тадқиқоти стратегии назди Президенти Ҷумҳурии Тоҷикистон

Июнь 3, 2025 16:00

Хабарҳои дигари ин бахш

Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров мулоқот намуд
Cафири Тоҷикистон бо Директори Дафтари робитавии Созмони озуқаворӣ ва кишоварзӣ мулоқот намуд
Намунаи либосҳои тоҷикӣ дар чорабинии фарҳангии кишварҳои Осиё дар Корея намоиш дод шуд
Дар Женева имкониятҳо ва мавқеи Тоҷикистон оид ба устувории энергетикӣ муаррифӣ гардид
Байни вазоратҳои корҳои хориҷии Тоҷикистону Русия машваратҳо баргузор гардид
Масъалаи иштироки сармоягузорони Кувайт дар чорабиниҳои байналмилалии Тоҷикистон баррасӣ гардид
Дар Душанбе машваратҳои сиёсии Тоҷикистон ва Покистон баргузор гардиданд
Сарони ҳукуматҳои кишварҳои иштирокдори ИДМ бо Президенти Ҷумҳурии Беларус Александр Лукашенко мулоқот намуданд
Дар Ню-Йорк таҷрибаи муваффақи Тоҷикистон оид ба баргардонидани занону кӯдакон аз урдугоҳҳои Сурия муаррифӣ шуд
Қоҳир Расулзода дар ҷаласаи Шурои сарони ҳукуматҳои кишварҳои аъзои ИДМ ва Намоишгоҳи байналмилалии саноатии «ИННОПРОМ-Беларус-2025» иштирок намуд
Дар Вазорати корҳои хориҷии Тоҷикистон Рӯзи кормандони хизмати дипломатиро таҷлил намуданд
Мамнуъгоҳи биосферии «Ромит» ба Шабакаи ҷаҳонии мамнуъгоҳҳои ЮНЕСКО ворид карда шуд