Байни мақомоти стандартизатсияи Тоҷикистон ва Узбекистон «Харитаи роҳ» омода карда мешавад
ДУШАНБЕ, 15.07.2025 /АМИТ «Ховар»/. Тоҷикистон хостори таҳияи «Харитаи роҳ» байни мақомоти стандартизатсияи Тоҷикистон ва Узбекистон гардидааст. Ин ва дигар масъалаҳои мубрами тақвияти ҳамкорӣ байни ду давлати ҳамсоя дар соҳаи сертификатсия, стандартизатсия, метрология ва назорати савдо дар мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода бо Директори Агентӣ доир ба танзими техникии назди Кабинети вазирони Ҷумҳурии Узбекистон Акмал Ҷумъаназаров дар Тошканд баррасӣ шуданд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Ҷониби Узбекистон хостори рушди ҳамкории соҳавӣ буда, барои ташкили машварату конфронсҳои муштарак, истифодаи таҷрибаи ҳамдигар, ҷалби мутахассисон ба даврҳои такмили ихтисос ва самаранок истифода бурдани озмоишгоҳҳои Агентӣ изҳори ризоият намуд.
Сафир пешниҳод намуд, ки зарурати такмилу иловаҳо ба Созишномаи муштарак пеш омада, хуб мешуд байни ду Агентӣ «Харитаи роҳ» омода гардад.
Дар анҷом Сафир бо озмоишгоҳҳои замонавии Агентӣ, ки бо таҷҳизоти муосири сатҳи байналмилалӣ таъмин мебошанд, шинос шуд.
АКС: Сафорати Ҷумҳурии Тоҷикистон дар Ҷумҳурии Узбекистон
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
«ТОҶИКИСТОН — ВАТАНИ АЗИЗИ МАН». Дар ин озмуни ҷумҳуриявӣ киҳо иштирок карда наметавонанд?
Ҳайати Тоҷикистон дар Ҳамоиши ҳамкории кишварҳои Осиёи Марказӣ-Ҷумҳурии Корея дар соҳаи маориф иштирок намуд
