Байни ширкатҳои сайёҳии Тоҷикистон ва Қирғизистон 9 санади ҳамкорӣ ба имзо расид
ДУШАНБЕ, 08.07.2025 /АМИТ «Ховар»/. 7 июл дар Кумитаи рушди сайёҳии назди Ҳукумати Ҷумҳурии Тоҷикистон байни ширкатҳои сайёҳии Ҷумҳурии Тоҷикистон ва Қирғизистон вохӯрӣ баргузор гардида, 9 санади ҳамкорӣ ба имзо расид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Иброз гардид, ки ин санадҳо барои густариши ҳамкории миёнамуҳлат ва дарозмуддати тиҷоратӣ, ташкили лоиҳаҳои муштарак ва тақвияти нуфузи байналмилалии иқтидори сайёҳии ҳар ду давлат заминаи мусоид фароҳам меоранд.
Иштирокчиён мақсади баргузории вохӯриро таҳкими ҳамкории амалии дуҷониба, рушди робитаҳои тиҷоратӣ, табодули таҷриба ва мусоидат ба ташкили хатсайрҳои муштараки сайёҳӣ арзёбӣ намуданд.
Зимни вохӯрӣ ҷонибҳо имкониятҳои мавҷудаи ҳамкорӣ, дурнамои бозори сайёҳӣ ва роҳҳои ҷалби сайёҳони хориҷиро мавриди баррасӣ қарор доданд.
Иброз гардид, ки нақши бахши хусусӣ — хусусан ширкатҳои сайёҳӣ дар татбиқи амалии санадҳои сатҳи байнидавлатӣ ва рушди устувори соҳаи сайёҳӣ ҳалкунанда мебошад.
Ин вохӯрӣ дар самти таҳкими робитаҳои мутақобилан судманд байни доираҳои соҳибкории соҳаи сайёҳии Тоҷикистон ва Қирғизистон оғози марҳалаи нави ҳамкории амалӣ ба шумор меравад.
АКС: Кумитаи рушди сайёҳии назди Ҳукумати Ҷумҳурии Тоҷикистон
ТУРИЗМ ДАР ШОҲРОҲИ АБРЕШИМ-2025. Дар намоишгоҳи байналмилалӣ имконоти сайёҳии Тоҷикистон муаррифӣ мегардад
Ҳайати Донишгоҳи байналмилалии сайёҳӣ ва соҳибкории Тоҷикистон дар намоишгоҳи сайёҳии Қатар иштирок намуд
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
