Дар шаҳри Душанбе барои хонандагон 210 муассисаи таълимӣ фаъолият менамояд

ДУШАНБЕ, 07.07.2025. /АМИТ «Ховар»/. Дар шаҳри Душанбе 210 муассисаи таълимӣ барои таълиму тарбияи хонандагон фаъолият доранд. Аз ҷумла, 13 муассисаи таҳсилоти ибтидоӣ, 19 умумии асосӣ, 177 миёнаи умумӣ ва 1 муассисаи таҳсилоти ғоибона фаъолият доранд. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.

Аз ин теъдод 149 муассисаҳои таълимии буҷетӣ, 10 адад муассисаи таълимии мақоми ҷумҳуриявидошта, 13 адад муассисаҳои таълимии тобеи ташкилоту идораҳо, 38 адад муассисаи таълимии ғайридавлатӣ мебошанд, ки бо фарогирии 302 ҳазору 190 нафар хонанда фаъолият намуданд.

Бояд иброз намуд, ки шумораи хонандагон нисбат ба ҳамин давраи соли гузашта 16 ҳазору 812 нафар зиёд мебошад.

Инчунин дар шаҳри Душанбе 5 муассисаи интернатӣ фаъолият менамояд, ки дар он 883 нафар хонанда, ки аз ин шумора 503 нафар маъюб, 34 нафар ятими кул, 276 нафар нимятим, 269 нафар аз оилаи камбизоат ба таълиму тарбияи фаро гирифта шудаанд.

АКС: АМИТ «Ховар»