Дастовардҳои Тоҷикистон дар намоиши байналмилалии осорхонавӣ дар Чин ба тамошо гузошта мешаванд
ДУШАНБЕ, 30.07.2025 /АМИТ «Ховар»/. Масъалаи марбут ба омодагӣ ва иштироки Тоҷикистон дар намоиши байналмилалии «Эҳтироми тамаддунҳои гуногун — майли рушди муштарак», ки моҳи август дар Чин баргузор мегардад, зимни мулоқоти маҷозии директори Осорхонаи миллии Тоҷикистон Зафаршо Иброҳимзода бо намояндагони Осорхонаи миллии Чин Ван Джичиан, Ҷен Е ва Ляо Тсэлин баррасӣ гардиданд. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Ҳадафи мулоқот дар сатҳи баланди касбӣ баргузор намудани намоиши байналмилалии «Эҳтироми тамаддунҳои гуногун — майли рушди муштарак» дар Осорхонаи миллии Чин мебошад.
Дар ҷараёни мулоқот ҷонибҳо масоили бастубанди нигораҳо тибқи муқаррароти осорхонавӣ, интиқоли безарари онҳо ба Ҷумҳурии Мардумии Чин ва баргардонидани онҳо, муҳлати баргузории намоишу дигар масъалаҳо ва паҳлуҳои раванди омодагӣ ба ин намоишро баррасӣ намуданд.
Зафаршо Иброҳимзода гуфт, ки иштироки Осорхонаи миллии Тоҷикистон дар чунин намоиши сатҳи байналмилалӣ боиси ифтихор ва сарфарозӣ аст. Умед аст, ки намоиши байналмилалии «Эҳтироми тамаддунҳои гуногун — майли рушди муштарак» дар фазои сулҳу дӯстӣ баргузор гардад.
АКС: Осорхонаи миллии Тоҷикистон
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
