35 хатмкунанда аз шаҳри Душанбе соҳиби аттестатҳои аълои универсалӣ бо медалҳои тилло гардиданд
ДУШАНБЕ, 14.07.2025. /АМИТ «Ховар»/. Соли 2025 хатмкунандагони муассисаҳои таълимии шаҳри Душанбе дар озмуни аттестати аъло бо медалҳои тилло натиҷаҳои беҳтарин ба даст оварданд. Дар маҷмуъ, 35 нафар бо аттестати аълои универсалӣ ва равиявӣ бо медали тилло сарфароз гардонида шуданд. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Ба иттилои Маркази ҷумҳуриявии дарёфт ва рушди истеъдодҳо, инчунин дар сатҳи ҷумҳуриявӣ аз байни зиёда аз 100 хонанда 73 нафар сазовори аттестати аъло бо медали тилло ва нуқра гардиданд. Аз ҷумла, 10 нафар сазовори аттестати аълои универсалӣ бо медали тилло, 39 нафар сазовори аттестати аълои равияи табиӣ-риёзӣ бо медали тилло, 2 нафар сазовори аттестати аълои равияи табиӣ-риёзӣ бо медали нуқра, 19 нафар сазовори аттестати аълои равияи ҷамъиятӣ-гуманитарӣ бо медали тилло ва 3 нафар сазовори аттестати аълои равияи ҷамъиятӣ-гуманитарӣ бо медали нуқра шуданд.
Давоми ду соли охир (соли 2024-27 медал) хатмкунандагони муассисаҳои таълимии шаҳри Душанбе дар озмун пайваста натиҷаҳои баланд нишон дода, ин дастовардҳоро дар даврони соҳибистиқлолӣ ба сатҳи бесобиқа расониданд.
Дар доираи таваҷҷуҳи хоссаи Пешвои миллат ба соҳаи маориф давоми солҳои охир садҳо муассисаҳои таълимии муосир бунёд ва навсозӣ гардида, низоми таълим бо технологияи пешрафта муҷаҳҳаз шуд. Ин ҳама барои дарёфти истеъдодҳо ва ҳавасмандгардонии хонандагони болаёқат заминаи мусоид фароҳам овардааст.
Инчунин бо дастгирии пайвастаи Раиси шаҳри Душанбе муҳтарам Рустами Эмомалӣ дар самти татбиқи босамари «Барномаи давлатии дарёфт ва рушди истеъдодҳо барои солҳои 2021-2025» дар шаҳри Душанбе шароити мусоид фароҳам оварда шудааст. Ин аст, ки давоми солҳои охир хонандагони муассисаҳои таълимии пойтахт дар озмуну олимпиадаҳои сатҳи ҷумҳуриявӣ ва байналмилалӣ сазовори ҷойҳои намоён мегарданд.
АКС: Маркази ҷумҳуриявии дарёфт ва рушди истеъдодҳо
54 донишҷӯи Донишгоҳи давлатии Кӯлоб ба даври муассисавии Озмуни ҷумҳуриявии «Фурӯғи субҳи доноӣ китоб аст» роҳхат гирифт
Маркази барномаҳои байналмилалӣ қабули ҳуҷҷатҳоро ба муассисаҳои таҳсилоти олии Озарбойҷон оғоз намуд
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
