Корхонаҳои саноатии Хуҷанд ба маблағи 214,7 миллион сомонӣ маҳсулот содирот намудаанд
ДУШАНБЕ, 30.07.2025 /АМИТ «Ховар»/. Дар шаш моҳи соли равон дар шаҳри Хуҷанд ба мабалғи 922,7 миллион сомонӣ маҳсулот истеҳсол карда шуд. Аз ин шумора ба маблағи 214,7 миллион сомонӣ ба давлатҳои хориҷии дуру наздик маҳсулот содирот карда шуд, ки нисбат ба ҳамин давраи соли 2024 зиёд аст. Дар ин хусус зимни нишасти матбуотии Мақомоти иҷроияи ҳокимияти давлатии шаҳри Хуҷанд ба хабарнигорон иттилоъ дода шуд.
Дар нишасти матбуотӣ иброз гардид, ки аз ҷониби 126 корхонаи хурду калон ба маблағи 490,9 миллион сомонӣ маҳсулоти воридотивазкунанда истеҳсол гардидааст. Ин нисбат ба ҳамин давраи соли 2024 82,8 миллион сомонӣ зиёд мебошад.
«Дар раванди рушду инкишофи ин соҳа бо ҷалби беш аз 20,0 миллион сомонӣ сармоя дар шаҳр 23 корхонаи нави истеҳсолии хурд таъсис дода шуд. Ин сабаби зиёд шудани ҷойи кори иловагӣ ва иқтидори истеҳсолии соҳаи саноат гардидааст», — гуфта шуд зимни нишасти матбуотӣ.
Хуҷанд яке аз шаҳрҳои калонтарини саноатии ҷумҳурӣ ба ҳисоб рафта, дар ҳаҷми умумии маҳсулоти дар вилоят истеҳсолшаванда саҳми устувор мегузорад.
Дар шароити имрӯзаи пешрафти иқтисодӣ саноат яке аз соҳаҳои муҳими иқтисоди миллӣ маҳсуб шуда, таъмини рушди он вазифаи афзалиятнок ба шумор меравад. Татбиқ гардидани Солҳои рушди саноат (2022-2026) имкон медиҳад, ки Тоҷикистон дар давраи миёнамуҳлат аз мамлакати аграриву саноатӣ ба мамлакати индустриалию аграрӣ табдил дода шавад.
АКС: АМИТ «Ховар»
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Пешвои миллат Эмомалӣ Раҳмон дар шаҳри Душанбе шаҳраки нави саноатиро ифтитоҳ намуданд
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
