Нақшаи қабули довталабон ба Донишгоҳи байналмилалии забонҳои хориҷии Тоҷикистон 90 фоиз иҷро гардид
ДУШАНБЕ, 30.07.2025 /АМИТ «Ховар»/. Натиҷаҳои тақсимоти даври якуми қабули довталабон ба донишгоҳу донишкадаҳои олии мамлакат дар соли 2025 нишон доданд, ки нақшаи қабул дар Донишгоҳи байналмилалии забонҳои хориҷии Тоҷикистон ба номи Сотим Улуғзода 90 фоиз иҷро гардид. Ин нисбат ба ҳамин давраи соли 2024 4 фоиз зиёд мебошад. Дар ин хусус имрӯз зимни нишасти матбуотӣ ректори ин донишгоҳ Жило Гулназарзода ба хабарнигорон иттилоъ дод.
«Аз сабабе, ки имсол дар донишгоҳ 8 ихтисоси нав таъсис дода шуд, нақшаи қабул нисбат ба соли 2024 зиёд иҷро гардид. Таҳлилҳо нишон доданд, ки аллакай ба ихтисосҳои нав талабот ҳаст ва довталабон ин ихтисосҳоро интихоб намудаанд»,-иброз дошт Жило Гулназарзорда.
Иттилоъ дода шуд, ки дар соли таҳсили 2024 -2025 666 нафар равияи омӯзгориро хатм намуданд. Аз ин теъдод 426 нафар шуъбаи таҳсилоти фосилавӣ ва 240 донишҷӯ шуъбаи рӯзонаи факултетҳои донишгоҳро аз рӯйи ихтисосҳои равияи омӯзгорӣ хатм кардаанд. 117 нафар, аз ҷумла 33 нафар ба тариқи квотаи президентӣ ва 84 нафар ба тариқи ройгон бо роҳхати Вазорати маориф ва илми Ҷумҳурии Тоҷикистон ба ҷойи кор равона карда шуданд.
Ҳамчунин бори аввал барои бартараф намудани норасоии кадрӣ дар самти омӯзгорӣ аз ҳисоби хатмкунандагони тавассути шартнома таҳсилнамудаи равияи омӯзгории шуъбаи рӯзона 44 мутахассиси ҷавон ба ҷойи кор равона гардид.
Зимни нишаст иброз шуд, ки соли равон беш аз 30 донишҷӯи Донишгоҳи байналмилалии забонҳои хориҷии Тоҷикистон дар донишгоҳҳои хориҷи мамлакат таҳсил менамоянд. Аз ин шумора 3 нафар ба Ҷумҳурии Мардумии Чин, 6 нафар ба Ҷумҳурии Ҷопон, 13 нафар ба Ҷумҳурии Қазоқистон ва 4 нафар ба донишгоҳҳои Минск барои табодули академӣ ҷалб гардиданд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
