НИШАСТИ МАТБУОТӢ. Дар Академияи идоракунии давлатӣ бахшида ба Солҳои рушди иқтисоди рақамӣ ва инноватсия ду ихтисоси нав таъсис ёфт
ДУШАНБЕ, 21.07.2025 /АМИТ «Ховар»/. Бахшида ба Солҳои рушди иқтисоди рақамӣ ва инноватсия (2025 – 2030) дар Академияи идоракунии давлатии назди Президенти Ҷумҳурии Тоҷикистон ду ихтисоси нав — иқтисоди рақамӣ ва амнияти автоматикунонии системаи иттилоот дар идоракунӣ дар зинаи бакалавриат ва магистратура таъсис дода шуд. Дар ин хусус имрӯз зимни нишасти матбуотӣ ректори Академияи идоракунии давлатии назди Президенти Ҷумҳурии Тоҷикистон Даврон Сафарзода иттилоъ дод.
Даврон Сафарзода иброз намуд, ки дар Академияи идоракунии давлатӣ дар соли таҳсили 2024-2025 374 омӯзгори дорои унвон ва дараҷаи илмӣ фаъолият дошта, шумораи умумии донишҷӯён ва магистрантон 5092 нафарро ташкил медиҳад.
Иттилоъ дода шуд, ки бо мақсади ҳавасманд гардонидани олимон ва муҳаққиқон барои анҷом додани корҳои илмӣ-таҳқиқотӣ дар Академияи идоракунии давлатӣ барои ҳимояи рисолаҳои илмии номзадӣ дар ҳаҷми 10 000 сомонӣ ва барои ҳимояи рисолаҳои докторӣ 15 000 сомонӣ маблағ муқаррар гардидааст.
Ҳамзамон иброз гардид, ки дар давраи ҳисоботӣ аз ҷониби устодону профессорони Академия 545 маводи илмӣ-таҳқиқотӣ ва интишорӣ омода карда шудааст.
Шаҳлои САДРИДДИН,
АМИТ «Ховар»
АКС: АМИТ «Ховар»
ЭҲТИРОМИ ОМӮЗГОР — ЭҲТИРОМИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
Аҳлиддин Ибодуллозода: «Омӯзгор ба сифати шахси мафкурасоз ва инсони ҷомеасоз шинохта мешавад»
Омӯзгор Бунафша Сарҳадова: «Ғамхории рӯзафзуни Ҳукумати Тоҷикистон моро ба пешаамон бештар ҳавасманд месозад»
Бахшида ба Рӯзи забони давлатӣ дар Донишгоҳи технологии Тоҷикистон конфронси илмӣ-амалӣ доир гардид
ҚОНУНИ ҶУМҲУРИИ ТОҶИКИСТОН «ДАР БОРАИ МАҚОМИ ОМӮЗГОР». Ба корҳои ба раванди таълиму тарбия алоқаманд набуда ҷалб кардани омӯзгор манъ аст
Забони тоҷикӣ шиносномаи миллат, руҳи поки гузаштагон ва оинаи осори ниёгон аст
ДАСТГИРИИ ОМӮЗГОРОН. Маоши вазифавии кормандони муассисаҳои томактабӣ ва таҳсилоти миёнаи умумӣ 30 фоиз зиёд гардид
«ОМӮЗГОРӢ — КАСБИ ПУРИФТИХОР». Дар шаҳри Хуҷанд Рӯзи омӯзгорон таҷлил карда шуд
ТАВСИЯИ МУТАХАССИС. Фарзанди шумо ба синфи якум рафт. Чӣ тавр бояд ба ӯ кумак расонд?
«ОМӮЗГОР — ЧАРОҒИ МАЪРИФАТ ВА СУТУНИ ҶОМЕА». Дар шаҳри Кӯлоб Рӯзи омӯзгоронро таҷлил намуданд
Дар Душанбе Рӯзи омӯзгорон дар сатҳи баланд таҷлил карда шуд
Ба ифтихори Рӯзи забони давлатӣ дар Академияи идоракунии давлатӣ конференсияи ҷумҳуриявии илмию назариявӣ доир шуд
