НИШАСТИ МАТБУОТӢ. Дар бозорҳои истеъмолии Тоҷикистон беш аз 107 ҳазор килограмм маҳсулоти бесифат ва хавфнок нобуд карда шуд
ДУШАНБЕ, 22.07.2025 /АМИТ «Ховар»/. Дар нимсолаи якуми соли 2025 аз ҷониби мутахассисони озмоишгоҳҳои таъмини бехатарии озуқаворӣ дар бозорҳои истеъмолии Тоҷикистон 550 ҳазору 268 ташхиси маҳсулоти озуқаворӣ анҷом дода шуд. Дар натиҷа 107 ҳазору 851 килограмм маҳсулоти бесифат ва хавфнок ошкор ва нобуд карда шуд. Дар ин хусус имрӯз зимни нишасти матбуотӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода иттилоъ дод.
Дар нишаст иброз гардид, ки аз миқдори умумии маҳсулоти нобудшуда 26129,2 килограмм маҳсулоти гӯштӣ, 5846,7 килограмм (литр) маҳсулоти ширӣ, 634,2 литр равғани растанӣ, 14114 дона тухми паранда, 419 килограмм моҳӣ, 339 килограмм асал, 3675 килограмм маҳсулоти намакин, 4154 килограмм меваи хушк, 49788,5 килограмм меваю сабзавот ва 2752 килограмм маҳсулоти полезӣ мебошад. Ин маҳсулот ғайристандартӣ ва хавфнок арзёбӣ гардида, фурӯши онҳо манъ ва нобуд карда шуданд.
Дар давраи ҳисоботӣ дар ҷумҳурӣ дар 2 ҳолат барангезандаи бемории сӯхтанӣ, 1 ҳолат барангезандаи бемории сиёҳрон ва дар 20 ҳолат барангезандаи ҳорӣ ба қайд гирифта шуд. Нуқтаҳои номусоиди бемориҳои сироятӣ зери назорати доимӣ қарор дошта, дар манбаъҳои номусоид, таҳдидкунанда ва дорои пайдоиши хавф сари вақт чорабиниҳои солимгардонӣ, эмгузаронии маҷбурии саршумори ҳайвонот ва корҳои безараргардонию маҳдудкунӣ гузаронида шуданд.
Нисбат ба бемории сил байни 21 ҳазору 330 сар чорвои калони шохдор санҷиш гузаронида шуда, аз саршумори санҷидашуда чорвои ба туберкулин ҷавоби мусбатдода муайян карда нашудааст. Дар айни замон ҳолати эпизоотӣ ва вазъи солимии чорво дар хоҷагиҳои давлатӣ нисбат ба бемориҳои буғумдард ва сил мутаносибан ба солҳои гузашта муътадил арзёбӣ мегардад.
Зимни нишасти матбуотӣ иброз гардид, ки аз тарафи марказҳои таъминоти бехатарии озуқавории шаҳру ноҳияҳои ҷумҳурӣ ба иншооти нигоҳдорӣ, анборхонаҳо, сардхонаҳо, сехҳои коркарди маҳсулоти чорводорӣ, дӯконҳои гӯштфурӯшӣ, нуқтаҳои забҳи чорво ва ба шахсони воқеӣ ва ҳуқуқӣ 6071 аттестати байторию санитарии шароити истеҳсолӣ дода шудааст
Раъно НУСРАТУЛЛО,
Тоҳири САИД (АКС),
АМИТ «Ховар»
Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
Мубориза бар зидди терроризму экстремизм дар меҳвари Паёми Президенти Тоҷикистон қарор дорад
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
