Раванди татбиқи Консепсияи раёсати Тоҷикистон дар Иттиҳоди Давлатҳои Мустақил баррасӣ шуд
ДУШАНБЕ, 31.07.2025. /АМИТ «Ховар»/. 29 июл дар шаҳри Минск таҳти раисии Сафири Фавқулода ва Мухтори Ҷумҳурии Тоҷикистон дар Ҷумҳурии Беларус, намояндаи ваколатдори доимии Тоҷикистон дар назди мақомоти оинномавӣ ва дигар сохторҳои Иттиҳоди Давлатҳои Мустақил Бахтовар Сафарзода ҷаласаи навбатии Шурои намояндагони ваколатдори доимии кишварҳои иштирокдори Иттиҳод баргузор гардид. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар ҷаласа маърузаи Намояндаи доимии Тоҷикистон оид ба ҷараёни татбиқи Консепсияи раёсати Тоҷикистон дар Иттиҳод дар нимсолаи аввали соли равон пешниҳод гардид. Дар он роҷеъ ба фаъолият дар таҳкими равандҳои ҳамгироӣ ва густариши ҳамкорӣ байни кишварҳои аъзои Иттиҳоди Давлатҳои Мустақил дар бахшҳои сиёсӣ, иқтисодӣ, иҷтимоӣ, гуманитарӣ, амниятӣ ва экологӣ натиҷагирӣ карда шуд.
Ҳамзамон дар ҷаласа доир ба масъалаҳои омодагӣ ба нишастҳои дарпешистодаи Шурои вазирони корҳои хориҷӣ ва Шурои сарони кишварҳои аъзои Иттиҳоди Давлатҳои Мустақил табодули афкор анҷом дода шуд.
АКС: Вазорати корҳои хориҷии Ҷумҳурии Тоҷикистон
Ҳамкории Тоҷикистон дар доираи Машварати ҳамкорӣ ва тадбирҳои боварӣ дар Осиё баррасӣ шуд
Дар Вена дурнамои рушди ҳамкории Тоҷикистону Австрия дар соҳаҳои сиёсӣ баррасӣ гардид
Сироҷиддин Муҳриддин бо дабири кулли Созмони амният ва ҳамкорӣ дар Аврупо Фаридун Синирлиоғлу мулоқот намуд
Дар Вена масъалаҳои рушди ҳамкории Тоҷикистону Гурҷистон баррасӣ гардиданд
Ҳамкории Тоҷикистон ва Созмони озуқаворӣ ва кишоварзии Созмони Милали Муттаҳид баррасӣ гардид
Тоҷикистон ва Маҷористон Ёддошти тафоҳум оид ба бурсияҳои солҳои 2026–2028-ро ба имзо расониданд
Вазирони корҳои хориҷии Тоҷикистон ва Финляндия мулоқот намуданд
Сироҷиддин Муҳриддин дар мулоқоти вазирони корҳои хориҷии кишварҳои Осиёи Марказӣ ва Аврупои Шимолӣ иштирок намуд
Масоили рушди робитаҳои дуҷонибаи Тоҷикистон ва Швейтсария баррасӣ гардид
Сироҷиддин Муҳриддин дар нишасти 32-юми Шурои вазирони корҳои хориҷии САҲА иштирок намуд
Дар Берлин рушди ҳамкории сиёсӣ, иқтисодӣ ва фарҳангии Тоҷикистон ва Олмон баррасӣ шуд
Кишварҳои Осиёи Марказӣ дар машварат оид ба ташаббуси СММ-80 изҳороти муштарак пешниҳод намуданд
