85 фоизи хатмкунандагони филиали Донишгоҳи миллии таҳқиқотии технологӣ «МИСИС» бо ҷойи кор таъмин мегарданд
ДУШАНБЕ, 07.08.2025 /АМИТ «Ховар»/. Солҳои охир таваҷҷуҳи идораву корхонаҳои гуногун ба хатмкунандагони филиал зиёд шуда, масъалаи бо ҷойи кор таъмин намудани онҳо ҳалли худро меёбад. Мо асосан хатмкунандагони гурӯҳҳои буҷавиро ба корхонаҳои давлатӣ бо роҳхат ба кор мефиристем. Новобаста аз ин дар ин самт мушкилиҳои ҳалталаб хеле зиёданд. Ҳар сол танҳо 80-85 фоизи хатмкунандагони гурӯҳҳои буҷавӣ бо роҳхат ба ҷойи кор таъмин мешаванд. Дар ин хусус имрӯз директори филиали Донишгоҳи миллии таҳқиқотии технологӣ «МИСИС» дар шаҳри Душанбе Муъминҷон Ҷӯраев зимни нишасти матбуотӣ иттилоъ дод.
Муъминҷон Ҷураев тазаккур дод, ки доир ба ин масъала филиал тадбирҳои мушаххас меандешад, то робитаро бо вазорату идораҳо ва корхонаҳои саноатӣ дар шакли сифатан нав ба роҳ монда, масъалаи бо ҷойи кор таъмин намудани хатмкунандагони филиалро беҳтар намояд. Дар баробари ин раёсати филиал бо мақсади ташкил ва гузаронидани корҳои озмоишӣ ва таҷрибаомӯзиҳо бо зиёда аз 10 ташкилоту идора ва корхонаи саноатӣ шартномаи ҳамкорӣ ба имзо расонид.
Иброз гардид, ки дар шашмоҳаи якуми соли 2025 дар филиал озмоишгоҳи байналмиллалии минералогӣ ва маркази таҳқиқотӣ (IMLRC) — аввалин озмоишгоҳи мустақили таҳлилии сатҳи баланди технологии ҷумҳурӣ дар соҳаи саноати кӯҳӣ ва металлургӣ таъсис дода шуд.
Дар таҳия ва ба роҳ мондани фаъолияти IMLRC саҳми асосӣ аз ҷониби устодон ва хатмкардагони филиал гузошта шуд. Ҳайати профессорону омӯзгорон ва донишҷӯёни филиал дар таҳияи консепсияи лоиҳа, интихоби таҷҳизот, омода намудани кормандон ва ташкили барномаҳои илмӣ фаъолона иштирок намуд.
«Ин озмоишгоҳ ба макони муҳими таҳқиқоти амалӣ, аудити технологии истеҳсолот, таҷрибаомӯзӣ ва иҷрои корҳои илмӣ вобаста ба захираҳои маъданӣ ва табиқи технология муосир дар корхонаҳои саноати кӯҳи металургии Тоҷикистон табдил ёфтааст»,-гуфт Муъминҷон Ҷӯраев.
Раъно НУСРАТУЛЛО,
АМИТ «Ховар»
АКС: Донишгоҳи миллии таҳқиқотии технологӣ «МИСИС» дар шаҳри Душанбе
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
