Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
ДУШАНБЕ, 29.08.2025. /АМИТ «Ховар»/. Имрӯз дар шаҳри Бохтар ба намояндагони касбу кори гуногуни вилояти Хатлон барои фаъолияти назаррас ба ифтихори ҷашни 34-солагии Истиқлоли давлатӣ мукофотҳои давлатӣ супорида шуд. Дар ин хусус ба АМИТ «Ховар» аз Хадамоти матбуоти раиси вилояти Хатлон хабар доданд.
Мукофотҳоро Сарвазири мамлакат Қоҳир Расулзода тақдим намуд.
Зимни суханронӣ Қоҳир Расулзода таъкид дошт, ки Истиқлоли давлатӣ арзишмандтарин дастоварди халқи тоҷик мебошад. Ӯ тазаккур дод, ки мардуми кишвар дар давоми 34-соли истиқлолият роҳи пурмашаққатро тай намуда, имрӯз бо роҳбарии Пешвои миллат муҳтарам Эмомалӣ Раҳмон ба комёбиҳои назаррас ноил шудаанд.
Сарвазири мамлакат изҳор дошт, ки имрӯз мардуми ватандӯсту худшиноси Тоҷикистон дар атрофи Пешвои миллат беш аз пеш муттаҳид гардида, барои таҳкими Истиқлоли давлатӣ ва Ваҳдати миллӣ саҳми арзанда мегузоранд.
Дар идома маросими тақдими мукофотҳои давлатӣ ба як зумра фаъолони вилоят баргузор шуд.
Дар фарҷом раиси вилояти Хатлон Давлаталӣ Саид аз номи фаъолони вилоят ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Ҳукумати мамлакат барои ғамхориву дастгириҳои ҳамешагӣ миннатдорӣ баён намуд.
Таъкид карда шуд, ки аҳли заҳмати вилояти Хатлон бо руҳияи баланди идона ҷидду ҷаҳд доранд, то бо дастовардҳои арзанда ҷашни 34-солагии Истиқлоли давлатиро истиқбол намоянд.
АКС: Хадамоти матбуоти Раиси вилояти Хатлон
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
Бо иштироки занону духтарони вазорату идораҳо иқдоми ҷумҳуриявии «Тоҷикона мепӯшем!» доир гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илми ҳуқуқшиносӣ ҳамоиш доир шуд
ОБОД СОХТАНИ ВАТАН ИБОДАТ АСТ! Соҳибкори маҳаллӣ дар ноҳияи Темурмалик барои ду ҳамдеҳааш хона сохт
Дар шаҳри Ҳисор маҳфил-озмуни «Тоҷикистони ман!» баргузор мешавад
«СУҒД — ЧОРРОҲАИ РОҲИ БУЗУРГИ АБРЕШИМ». Дар Суғд форуми сеюми байналмилалӣ доир мегардад
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
ИМРӮЗ — РӮЗИ УМУМИҶАҲОНИИ САЛОМАТӢ. Шоҳсутуни асосии саломатӣ варзиш, ғизои хуб ва хоб аст
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Панҷакент 200 иншооти ҷашнии иловагӣ сохта мешавад
Дар ноҳияи Тоҷикобод Боғи интенсивии «35-солагии Истиқлолият» таъсис дода мешавад
«ДАВЛАТМАРД». Бахшида ба 35-солагии Истиқлоли давлатӣ китоби Далер Абдулло ба нашр расид
«ЯКҶОЯ БА СӮИ САЛОМАТӢ…». Ба сокинони шаҳри Душанбе хизмати ройгони тиббӣ расонида шуд
